الماتىداعى اتىستىڭ سوڭعى قۇربانى وتارعا جەرلەنەدى

الماتى. قازاقپارات - اتىستىڭ سوڭعى قۇربانى جالعاس كەلدىبايەۆ جامبىل وبلىسى وتار كەنتىنە جەرلەنەدى.

بۇل تۋرالى «قازاقپارات» تىلشىسىنە الماتى ق. ءى ءى د باسپا ءسوز حاتشىسى سالتانات ازىربەك مالىمدەدى.

 ونىڭ ايتۋىنشا، مارقۇمدى ەرتەڭ تاڭعى 10 دا جەرلەيدى. جالعاس كەلدىبايەۆتىڭ ءمايىتىن جامبىل وبلىسىنا الىپ كەتتى.

ەسكە سالساق، 12- اۋرۋحانادا جاتقان سوڭعى پوليتسەيدىڭ قازا بولعانى جايلى بۇگىن تاڭەرتەڭ بەلگىلى بولدى.

پوليتسيا سەرجانتى جالعاس امانباي ۇلى كەلدىبايەۆ 1992 -جىلى 1 -قىركۇيەكتە دۇنيەگە كەلدى. الماتى ق. ءى ءى د جول- پاترۋلدىك پوليتسيا پولكىنىڭ پوليتسەيى. ىشكى ىستەر ورگاندارىندا 2014 -جىلدان باستاپ قىزمەت ەتتى، ۇيلەنبەگەن.

الماتى قالاسى ءى ءى د باسشىلىعى، ارداگەرلەر كەڭەسى، جەكە قۇرامى جالعاس كەلدىبايەۆتىڭ قايعىلى قازاعا ۇشىراۋىنا بايلانىستى ونىڭ وتباسى مەن تۋىستارىنا كوڭىل ايتادى.

ەسكە سالساق، 27 جاستاعى رۋسلان كۇلەكبايەۆ 2016 -جىلعى 18 -شىلدەدە الماتى قالاسىنىڭ اۋداندىق ءى ءى ب بىرىنە جانە ۇ ق ك د عيماراتىنا شابۋىل جاسادى. سالدارىنان بەس ادام - ءۇش پوليتسەي، شەكاراشى جانە زەينەتكەر قازا تاۋىپ، سەگىز ادام جاراقات العان. كەيىننەن اۋرۋحانادا اۋىر جارالانعان ءۇش پوليتسەي كوز جۇمدى.

كۇلەكبايەۆقا قاتىستى بىرنەشە باپ بويىنشا سوت الدى تەرگەۋ جالعاسۋدا.