16:09, 11 - تامىز 2016 | GMT +5
قىتايلىق ۆەلوسيپەدتى ۇرلاۋ ءۇشىن اعاشتى قۇلاتتى - كەسكىن
استانا. قازاقپارات - ق ح ر حۋنان پروۆينسياسىنىڭ چاڭشا قالاسىندا پوليتسيا اعاشقا بايلانعان قىمبات ۆەلوسيپەدتى ۇرلاۋ ءۇشىن ونى ەرىنبەي كەسىپ قۇلاتقان ۇرىنى ىزدەۋدە.

قاسكۇنەمنىڭ ارەكەتى بەينە باقىلاۋ كامەراسىنا ءتۇسىپ قالعان.
جاريالانعان ۆيدەودا ەر ادامنىڭ جانتالاسىپ اعاشتى كەسىپ جاتقانى انىق ءتۇسىپ قالعان، الايدا جولشىباي ءوتىپ كەلە جاتقان موتوتسيكلشىدەن قورقىپ قالىپ، ونىڭ نازارىن وزىنە اۋدارماس ءۇشىن اعاش جانىنان كەتىپ، ءوز موتوتسيكلىنە وتىرىپ كەتپەكشى بولعان كەيىپ تانىتادى. كۇتپەگەن كۋاگەر ءوتىپ كەتكەن سوڭ، ەر ادام اعاشتى قۇلاتىپ، ۆەلوسيپەدتى موتوتسيكلىنە سالىپ الىپ تايىپ تۇرعان، دەپ جازادى rosbalt.ru.