قىتايلىق ب ا ق- تا راحيموۆتىڭ التىن مەدالى ق ح ر- عا بەرىلۋى ءتيىس دەگەن تاقىرىپ قىزۋ تالقىلانىپ جاتىر
نيجاتتىڭ جەڭىسىن ليۋي شياوجيۋن دا مويىنداپ وتىر. ول تىلشىلەرگە بەرگەن سۇحباتىندا «ءوز كوزىممەن كورىپ تۇردىم، جەڭىلگەنىمدى مويىندايمىن، راحيموۆ شىنىندا ءوز مىقتىلىعىن كورسەتتى» دەپ جاۋاپ بەردى.
ايتسە دە ءبىر قىزىعى، قىتايدىڭ مەملەكەتتىك CCTV تەلەارناسىنىڭ كومەنتاتورى بۇعان %100 قارسى بولىپ شىقتى.
نيجات راحيموۆ 214 كەلىنى باسىنان اسىرعان ساتتە، اتالمىش تەلەارنانىڭ كومەنتاتورى جاڭ گوجىڭ تىكەلەي ەفيردە اشۋلانىپ، «بۇل دۇرىس ەمەس! تورەشىنىڭ ەسى دۇرىس ەمەس ەكەن، ەرەجە بويىنشا ول قوزعالماي تۇرۋى ءتيىس، ال قاراڭدارشى، راحيموۆ زىلتەمىردى ۋاقىتىنان بۇرىن تاستاپ جىبەردى» دەپ تورەشىلەردىڭ شەشىمىنە نارازىلىق ءبىلدىرىپ، دورەكى ءسوز سويلەدى.
قازىرگى ۋاقىتتا، قىتايدىڭ كوپتەگەن ب ا ق- تارىندا «راحيموۆتىڭ التىن مەدالى قىتايعا بەرىلۋى ءتيىس» دەگەن تاقىرىپ قىزۋ تالقىلانۋدا.
ەسكە سالا كەتسەك، 77 كەلىدە ەرلەر اراسىندا ونەر كورسەتكەن اۋىر اتلەتىمىز نيجات راحيموۆ قوسسايىستىڭ قورىتىندىسى بويىنشا 379 (165+214) كەلى ناتيجەمەن التىن جۇلدەگە يە بولدى.
