10:47, 10 - تامىز 2016 | GMT +5
وليمپيادا ويىندارىندا جۋرناليستەر وتىرعان اۆتوبۋس وق استىندا قالدى
استانا. قازاقپارات - دەودورو وليمپيادا كلاستەرىنەن باس باسپا ءسوز ورتالىعىنا بەتتەگەن جۋرناليستەر اۆتوبۋسى وق استىندا قالدى.

بۇل تۋرالى جۋرناليستەرگە جولاۋشىلاردىڭ ءبىرى حابارلادى، دەپ جازادى kazsport.kaztrk.kz.
وقيعا جايلى اۆتوبۋستىڭ باسپا ءسوز ورتالىعى الدىنداعى اۆتوتۇراققا كەلگەندە بەلگىلى بولدى. وليمپيادا ويىندارىنان حابار تاراتۋعا ا ق ش ەلىنەن كەلگەن ءتىلشىنىڭ ايتۋىنشا، وقيعا اۆتوبۋستىڭ وليمپيادا ساياباعىن كلاستەرمەن بايلانىستىراتىن جولدا كەلە جاتقان كەزىندە ورىن العان.
«ەكى رەت وق اتىلدى، سودان كەيىن ءبىز دەرەۋ ەدەنگە جاتتىق. اۆتوبۋس توقتاماي، جۇرە بەردى»، - دەدى ءتىلشى.