اۆستراليادا اينەك مەشىت سالىنادى - فوتو

استانا. قازاقپارات - اۆستراليانىڭ نيۋپورتە قالاسىندا كوپ ۇزاماي الەمدەگى ەڭ تاڭعاجايىپ مەشىتتىڭ قۇرىلىسى قولعا الىنباقشى.
None
None


بۇل تۋرالى Islam.kz سايتى Islam today اقپارات كوزىنە سىلتەمە جاساي وتىرىپ حابارلادى. ونىڭ ەرەكشەلىگى نەدە دەيسىز عوي؟ ول اينەكتەن سالىنادى. ىشتە ناماز وقىپ جاتقان جاماعات سىرتتان بايقالىپ تۇرادى. بۇل مەشىتتىڭ ەسىگى كەلەسى جىلى جاماعاتىنا ايقارا اشىپ قالۋى مۇمكىن.

اتالمىش جوبا ساۋلەتشىسى گلەنن مەركات نەلىكتەن مۇنداي وزگەشە مەشىت سالۋعا اڭسارى اۋعانىن بىلاي ءتۇسىندىرىپ بەردى: "مەن تاياۋ شىعىستىڭ ءداستۇرلى ۇلگىسىن قايتالاعىم كەلمەدى. ونىڭ ۇستىنە، وسى زامانعى ادامدار ەركىندىكتى، اشىقتىقتى قالايتىنىن ەسكەردىم".

 ايتا كەتەيىك، بۇل جوباعا ەگدە جاستاعى مۇسىلماندار ەكىۇداي پىكىر ءبىلدىرىپ، قۇپتاي قويعان جوق، الايدا، جاستار قىزۋ قولداۋ ءبىلدىردى. بۇل مەشىت جەرگىلىكتى مۇسىلمان جاماعاتىنىڭ قاراجاتى ەسەبىنەن سالىنادى. مەشىت اۋماعىندا، سونداي- اق، كىتاپحانا مەن مەيرامحانا بولادى. 


سوڭعى جاڭالىقتار