ەركەش شاكەيەۆ قازا تاپقان ۇلى جايلى جاعىمسىز ۆيدەولار مەن رەپورتاجداردى ينتەرنەتتەن الىپ تاستاۋدى ءوتىندى

الماتى. قازاقپارات - جاقىندا ۇلى سافاردان ايىرىلعان بەلگىلى قازاقستاندىق كومپوزيتور ب ا ق- قا جانە وتانداستارىنا ۇندەۋ جولدادى.
None
None

ۇندەۋدىڭ ءماتىنىن وتباسىنىڭ دوسى ۆيكتوريا مومىنبايەۆانىڭ فەيسبۋكتەگى پاراقشاسىندا جاريالادى.

«مەن، سۇيىكتى ۇلىنان قاپىدا ايىرىلىپ قالعان ەركەش شاكەيەۆپىن، وتباسىمدى قايعىلى وقيعانىڭ جانعا باتاتىن اۋىر سالدارىنان قورعاۋ ماقساتىندا ب ا ق- قا جانە وتانداستارىما الەۋمەتتىك جەلىدەن (Youtube، گۋگل جانە ت. ب. ) ۇلىما قاتىستى جايسىز ۆيدەولار، رەپورتاجدار، سيرەك بولسا دا جاعىمسىز پىكىرلەردى الىپ تاستاۋدى وتىنەمىن»، - دەپ جازدى كومپوزيتور.

ول بارشاعا ءوز ءوتىنىشىن جەرگە قالدىرماۋدى سۇرادى.

«مەن ۇلىمدى ىزدەۋگە اتسالىسقاندارعا جانە وتباسىما توتەننەن كەلگەن قاسىرەتىمدى بولىسكەندەرگە العىس ايتامىن.

سونداي-اق سىبىستاردىڭ تارالۋىن بولدىرماۋ ءۇشىن رەسمي تۇردە مەنىڭ ۇلىم سافار شاكەيەۆ جەردى بىلمەگەندىكتەن ۆەسنوۆكا وزەنىنىڭ ەڭ قاۋىپتى تۇسىندا كەزدەيسوق جاعدايدا قازا تاپتى»، دەپ جازدى ول.

ءسوز سوڭىندا ەركەش شاكەيەۆ بارشا جۇرتقا باقىت تىلەدى.

«باقىت تىلەيمىن. مۇنداي قايعىنى ەشكىمنىڭ باسىنا بەرمەسىن. مەنىڭ ۇلىما سىيلاعان جىلىلىقتارىڭىز ءوز بالالارىڭىزدى قورعاسىن! جاراتقان يەم، وتباسىلارىڭىزدى امان ساقتاسىن!»، - دەپ ءسوزىن تۇيىندەدى ول.

 

سوڭعى جاڭالىقتار