15:43, 09 - تامىز 2016 | GMT +5
نۇرسۇلتان نازاربايەۆ كۆەتتاداعى تەراكتىگە بايلانىستى پاكىستان پرەزيدەنتىنە كوڭىل ايتتى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پاكىستان يسلام رەسپۋبليكاسىنىڭ پرەزيدەنتى مامنۋن حۋسەينگە كۆەتتا قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتى حابارلادى.
جەدەلحاتتا قازاقستان پرەزيدەنتى كۆەتتاداعى تەررورلىق اكتى سالدارىنان كوپتەگەن كىناسىز جانداردىڭ قۇربان بولعانى تۋرالى سۋىت حاباردى زور كۇيزەلىسپەن قابىلداعانى ايتىلعان.
«قازاقستان جاھاندىق قاۋىپسىزدىككە قاۋىپ توندىرەتىن حالىقارالىق ەكسترەميزم مەن تەرروريزم ارەكەتتەرىن قاتاڭ ايىپتايدى. ءبىز الەمدىك قاۋىمداستىقتىڭ وسى قاتەردىڭ تارالۋىنا قارسى كۇرەسىن تولىعىمەن قولدايمىز»، - دەلىنگەن حابارلامادا.