ءبىرجان جاقىپوۆتى ەندى شيرەك فينالدا كىم كۇتىپ تۇر؟

ريو- دە- جانەيرو. قازاقپارات - بۇگىن ريو- دە- جانەيرودا ءوتىپ جاتقان 31 - وليمپيادا ويىندارىندا بوكستان 49 كەلى سالماقتا ونەر كورسەتكەن قازاقستاندىق بوكسشى ءبىرجان جاقىپوۆ العاشقى كەزدەسۋىن ءساتتى باستادى.
None
None

ەندى ول شيرەك فينالدا وزىنە جاقسى تانىس وزبەك بوكسشىسى حاسانبوي دۋسماتوۆپەن كەزدەسەدى.

بۇل تۋرالى ريودا جۇرگەن قازاقپارات ءتىلشىسى حابارلايدى.

ءبىرجان جاقىپوۆ العاشقى جەڭىسىنەن كەيىنگى اسەرىمەن دە ءبولىستى.

«مەن ءۇشىن العاشقى كەزدەسۋىم وڭايعا سوققان جوق. قارسىلاسىم وتە شاپشاڭ قيمىلدايدى. سونداي- اق، ويلاماعان جەردەن وقىس شابۋلدار جاسايدى ەكەن. جالپى، ءبىرىنشى كەزدەسۋلەر قيىنداۋ بولادى. العاشىندا قالاي بولار ەكەن دەپ قوبالجيمىز. ال، ءبىرىنشى جەكپە- جەكتى ءساتتى باستاعان سوڭ، ەكىنشى جانە ءۇشىنشى كەزدەسۋلەردە ونداي قاتتى قوبالجۋ بولمايدى»، - دەدى بوكسشى.

سونداي- اق، كەلەسى قارسىلاسى تۋرالى دا ايتىپ كەتتى.

«باسى ءساتتى باستالدى. ەندى كەلەسى كەزەڭدە رينگكە كىممەن بولسا دا، جەكپە- جەككە شىعۋعا دايىنمىن. بيىل ەل ءۇمىتىن قالايدا اقتاۋعا بار كۇش- جىگەرىمدى سالامىن» دەپ اتاپ ءوتتى ءبىرجان جاقىپوۆ

ەستەرىڭىزگە سالا كەتەيىك، ءبىرجان بۇگىن ناميبيالىق ماتتياس حامۋنەلامەن جۇدىرىقتاسىپ، قارسىلاسىن ايقىن باسىمدىلىقپەن ۇتقان بولاتىن.

ال بۇعان دەيىن قازاق بوكسشىلارىنان وليمپيادانىڭ العاشقى كۇنى ءبىرىنشى بولىپ شارشى الاڭعا كوتەرىلگەن 60 كەلىدەگى بەرىك ءابدىراحمانوۆ ا ق ش بوكسشىسى كارلوس بال دەراستەن ۇتىلىپ قالعان بولاتىن.

ءبىرجان جاقىپوۆتىڭ قىسقاشا ءومىربايانى:

تۋعان كۇنى: 07.07.1984

تۋعان جەرى: وڭتۇستىك قازاقستان وبلىسى، سوزاق اۋدانى، جارتىتوبە اۋىلى

جەتىستىكتەرى: الەم چەمپيوناتىنىڭ قولا جۇلدەگەرى (2005 ج. ) ، الەم كۋبوگىنىڭ قولا جۇلدەگەرى (2008 ج. ) ، ازيا ويىندارىنىڭ كۇمىس جۇلدەگەرى (2010 ج. ) ، وليمپيادالىق كۆاليفيكاتسيالىق قۇرلىق ارالىق تۋرنيردىڭ جەڭىمپازى (2012) ، الەم چەمپيونى (2013 ج. الماتى)

بويى: 168 س م

سالماعى: 49 ك گ

بوكسپەن اينالىسۋى: 14 جاستان

ايماق: وڭتۇستىك قازاقستان وبلىسى

ريو وليمپياداسىنىڭ جولداماسىن ا ي ب ا- نىڭ  АРВدەپ اتالاتىن جاڭا جۇيەسىندە سىنعا ءتۇسىپ، جەڭىپ الدى.

بيىل ءبىرجان وسىمەن ءۇشىنشى وليمپياداسىنا قاتىسقالى وتىر. ول وسىعان دەيىن بەيجىڭدە جانە لوندوندا وليمپيادا ويىندارىنا قاتىسقان. الايدا، جۇلدەگە جەتە المادى. بيىل قالايدا قازاقستان قورجىنىنا ءبىر مەدال سالادى دەگەن ۇمىتتەمىز.

اۆتور: كۇنسۇلتان وتارباي

سوڭعى جاڭالىقتار