فارحاد حاركي قازاقستان قورجىنىنا ەكىنشى قولا مەدالدى سالدى

 ريو- دە- جانەيرو. قازاقپارات - بۇگىن اۋىر اتلەتيكادان 62 كەلىگە دەيىن سالماقتا ونەر كورسەتكەن فارحاد حاركي قازاقستان قورجىنىنا ەكىنشى قولا مەدالدى سالدى.
None
None

  بۇل تۋرالى ريودا جۇرگەن قازاقپارات ءتىلشىسى حابارلادى.

 فارحاد جۇلقا كوتەرۋ سايىسىن ءۇشىنشى بولىپ اياقتاعان بولاتىن. ول الدىمەن 135 كەلىنى توبەسىنەن اسىرا كوتەرسە، ەكىنشى، ءۇشىنشى مۇمكىندىگىندە 140 كەلىگە ەكى رەت تاپسىرىس بەردى. وكىنىشكە قاراي بۇل سالماق اتلەتىمىزگە باعىنبادى. ناتيجەسىندە 135 كەلىمەن جۇلقا كوتەرۋ سايىسىن ءۇشىنشى بولىپ اياقتادى.

ال سەرپە كوتەرۋدە جەرلەسىمىز 170 كەلىنى باعىندىرا ءبىلدى. سونىمەن قوس سايىستىڭ قورىتىندى بويىنشا (305 كەلى) ۇزدىك ۇشتىككە ءىلىنىپ، ريو وليمپياداسىنىڭ قولا جۇلدەگەرى اتاندى. وسىلايشا، ريو وليمپياداسىنىڭ ءۇشىنشى كۇنى قازاقستان قۇراماسىنا ءۇشىنشى جۇلدە ءتۇستى.

 ەستەرىڭىزگە سالا كەتەيىك، وسىعان دەيىن دزيۋدوشى ەلدوس سمەتوۆ كۇمىس، گالبادراح وتگونسەتسەگ قولا مەدال ەنشىلەگەن ەدى. ال اۋىر اتلەتتەرىمىزدەن جارىستىڭ العاشقى كۇنى مارگاريتا ەليسەيەۆا بەسىنشى ورىن، كەشە ارلي چونتەي ءتورتىنشى ورىنعا تابان تىرەگەن بولاتىن.

اۆتور: كۇنسۇلتان وتارباي

سوڭعى جاڭالىقتار