استانادا ءبىلىم سالاسىنىڭ قىزمەتكەرلەرىنە ارنالعان جارمەڭكە وتەدى

الماتى. قازاقپارات - 11 -تامىزدا ەلوردادا وتەتىن كەزەكتى توعىزىنشى بوس جۇمىس ورىندارى جارمەڭكەسى ءبىلىم سالاسىنا ارنالماق.

جۇمىس ىزدەۋشىلەر مەن جۇمىس بەرۋشىلەر «جاستار» سارايىندا باس قوسادى.

بوس جۇمىس ورىندارى جارمەڭكەسىنە مەكتەپكە دەيىنگى ۇيىمدار، بالاباقشالار، مەكتەپتەر مەن كوللەدجدەردىڭ وكىلدەرى قاتىسادى.

استانا قالاسى جۇمىسپەن قامتۋ ورتالىعىنىڭ ماماندارى تامىز ايىندا ءبىلىم سالاسىنداعى كادرلار قاجەتتىلىگى ارتاتىندىقتان شارا بارىسىندا پەداگوگتارعا باسىمدىق بەرىلەتىنىن اتاپ ءوتتى.

استانالىقتار ساعات 10.00-13.00 ارالىعىندا جۇمىس بەرۋشىلەرمەن تانىسىپ، سۇحباتتاسىپ، ءوز تۇيىندەمەلەرىن قالدىرا الادى.

ايتا كەتەيىك، جۇمىسپەن قامتۋ ورتالىعى جىل سوڭىنا دەيىن 12 بوس جۇمىس ورىندارى جارمەڭكەسىن ۇيىمداستىرۋدى جوسپارلاپ وتىر.

astana.gov.kz