08:51, 02 - تامىز 2016 | GMT +5
اۆستراليا سولتۇستىككە قاراي «جىلجىپ» بارادى
استانا. قازاقپارات - تەكتونيكالىق جىلجۋلاردىڭ سالدارىنان اۆستراليا قۇرلىعى سولتۇستىككە قاراي 1,5 مەترگە جىلجىدى. بۇل وزگەرىس سوڭعى 22 جىلدىڭ ىشىندە بولعان،
دەپ حابارلايدى اۆستراليالىق عالىمدارعا سۇيەنگەن ScienceAlert.
بۇل قورىتىندى GPS- ولشەمدەر نەگىزىندە جاسالدى. وسىعان بايلانىستى اۆستراليا عالىمدارى قۇرلىقتىڭ گەوگرافيالىق نۇكتەلەرىنىڭ رەسمي كوورديناتتارىنا وزگەرىس ەنگىزۋگە ءازىر، دەپ جازادى 24.kz.
اۆستراليا قۇرلىعى - عالامشارداعى ەڭ جىلدام ماتەريكتەردىڭ ءبىرى، ول سولتۇستىككە جانە ازداپ باتىسقا قاراي جىلىنا 7 سانتيمەترگە جىلجىپ وتىرادى. بۇل قوزعالىس سالدارىنان سول ماڭداعى جەر سىلكىنۋى مۇمكىن، دەپ حابارلايدى ABC ارناسى.
