ىلە الاتاۋىندا قازا تاپقان الپينيستىڭ مۇردەسى الماتىعا جەتكىزىلدى

الماتى. قازاقپارات - ق ر ءى ءى م توتەنشە جاعدايلار جونىندەگى كوميتەتىنىڭ رەسپۋبليكالىق جەدەل- قۇتقارۋ وتريادى مەملەكەتتىك مەكەمەسىنىڭ قۇتقارۋشىلارى الاتاۋدا قازا تاپقان لاتۆيالىق الپينيستىڭ مۇردەسىن پوليتسيا قىزمەتكەرلەرىنە تاپسىردى.

بۇل تۋرالى ق ر ءى ءى م توتەنشە جاعدايلار كوميتەتىنىڭ رەسمي وكىلى رۇسلان يمانقۇلوۆ حابارلادى.

«بۇگىن 12 ساعات 30 مينۋتتا ق ر ءىءى م توتەنشە جاعدايلار جونىندەگى كوميتەتىنىڭ رەسپۋبليكالىق جەدەل- قۇتقارۋ وتريادى مەملەكەتتىك مەكەمەسىنە «پيونەر» شىڭىنا شىعىپ جاتقان ساتتە 1987 -جىلى تۋعان لاتۆيالىق الپينيستىڭ قۇزعا قۇلاپ كەتكەندىگى تۋرالى حابار كەلىپ ءتۇستى»، - دەپ حابارلادى ر. يمانقۇلوۆ.

«12 ساعات 45 مينۋتتا ق ر ءى ءى م توتەنشە جاعدايلار جونىندەگى كوميتەتىنىڭ رەسپۋبليكالىق جەدەل- قۇتقارۋ وتريادىنىڭ 7 ادامنان قۇرىلعان قۇتقارۋ توبى ىزدەۋ شاراسىنا شىقتى. 13 ساعات 20 مينۋتتا قۇتقارۋشىلار توبىنا قۇلاعان الپينيستىڭ قازا تاپقاندىعى تۋرالى حابار كەلىپ ءتۇستى. ال، 14 ساعات 40 مينۋتتا قۇتقارۋ توبى پيونەر شىڭىنىڭ ەتەگىنە كەلىپ، الپينيستەر توبىمەن كەزدەستى. قۇتقارۋشىلار توبى قازا تاپقان الپينيستىڭ دەنەسىن تۇيىقسۋ شاتقالىنداعى مەموريالعا جەتكىزدى. كوپ ۇزاماي بۇل جەرگە الماتى قالاسىنىڭ مەدەۋ اۋداندىق ءى ءى ب جەدەل پوليتسيا قىزمەتكەرلەرى كەلىپ جەتتى»، - دەلىنگەن حابارلامادا.

17 ساعات 10 مينۋتتا قازا تاپقان الپينيستىڭ مۇردەسى پوليتسيا قىزمەتكەرلەرىنە تاپسىرىلدى.

اۆتور: ايبوتا جاپپاربەرگەن