شىعىس قازاقستان قۇتقارۋشىلارى تۇنگى داۋىلدىڭ سالدارىن جويۋدا - فوتو

وسكەمەن. قازاقپارات - تۇندە وڭىردە داۋىلدى جەل سوعىپ، نوسەر جاۋىن جاۋدى. جەلدىڭ جىلدامدىعى سەكۋندىنا 21 مەتردەن، كەي اۋدانداردا 23 مەردەن استى.

توتەنشە جاعداي حابارلاماسىنا سايكەس وڭىردە ءبىر كۇندە 60 م م ىلعال تۇسكەن. جاۋىن سالدارىنان جەكە اۋلالاردى سۋ باسىپ، اعاشتار قۇلاپ، كولىكتەر زارداپ شەكتى. وسكەمەننىڭ قالا اكىمدىگىندە جەدەل شتاب قۇرىلدى. توتەنشە جاعداي بويىنشا كەزەكتەن تىس كوميسسيا وتىرىسى ءوتتى.

جەرگىلىكتى اتقارۋشى ورگاندار، توتەنشە جاعداي دەپارتامەنتى، كوممۋنالدىق، جول قىزمەتتەرىنىڭ كۇشتەرى سۋ باسقان ايماقتاردان، جولدان سۋ اعىزۋ جۇمىستارىن جۇرگىزۋدە، كوشەلەردە قۇلاعان اعاشتار مەن سىنىقتارىنان تازالاپ، اعاش استىندا قالعان كولىكتەردى بوساتۋدا.

جۇمىس ءالى دە جالعاسۋدا. جاعداي جەدەل شتابتىڭ باقىلاۋىندا.