اقمولا پروكۋراتۋراسى ىزدەۋدە جۇرگەن ءتورت لاڭكەس تۋرالى اقپاراتتى ناقتىلادى

كوكشەتاۋ. قازاقپارات - اقمولا وبلىسى پروكۋراتۋراسىنىڭ باسپا ءسوز قىزمەتى تەرروريستىك قىلمىس جاساعانى ءۇشىن ايىپتالىپ، ىزدەۋدە جۇرگەن ءتورت لاڭكەس تۋرالى تولىق مالىمەتتى ناقتىلادى.

«اعىمداعى جىلدىڭ باسىنان بەرى قارۋلى قاقتىعىسقا قاتىستى، تەرروريستىك قىلمىس جاساعان، ا.  مارات ۇلى، و. د. نۇرعاليەۆ، ا. د. كۋراشوۆ جانە س. ك. قۇلانوۆقا حالىقارالىق ىزدەۋ جاريالاندى»، دەپ كورسەتىلگەن حابارلامادا.

پروكۋراتۋرانىڭ مالىمەتى بويىنشا ا. مارات ۇلى سيريا اۋماعىنا ءوتىپ، ءوز ەركىمەن تەرروريستىك ۇيىمنىڭ قۇرامىنا كىرگەن، ۇكىمەتتىك اسكەرلەرگە قارسى سوعىسقا قاتىسقان.

سونداي-اق، ءدال وسىنداي ماقساتپەن و. د. نۇرعاليەۆ، ا. د. كۋراشوۆ جانە س. ك. قۇلانوۆ تا سيريا ەلىنىڭ اۋماعىنا ءوتىپ كەتكەن.

«اعىمداعى جىلى پروكۋراتۋرانىڭ نۇسقاۋى بويىنشا ولاردىڭ ۇستىنەن اقمولا وبلىسى ۇ ق ك د مەن ق ر ق ك 172 -بابى بويىنشا سوتقا دەيىنگى تەرگەۋ امالدارى قولعا الىنىپ، ىزدەۋ جاريالاندى»، دەپ ءتۇسىندىردى وبلىستىق پروكۋراتۋرادان.

 اۆتور: اسلان وسپانوۆ