ا ق ش- تا جۇك كولىگىنىڭ جۇرگىزۋشىسى ف ت ب كەڭسەسىن سوعىپ، بومبا جارامىن دەپ قورقىتقان

استانا. قازاقپارات - ا ق ش- تا جۇك كولىگىنىڭ جۇرگىزۋشىسى توماس روسس پەنسيلۆانيا شتاتى، پيتتسبۋرگتەگى فەدەرالدى تەرگەۋ بيۋروسى (ف ت ب) جەرگىلىكتى بولىمشەسىنىڭ قىزمەتتىك اۆتوتۇراق اۋماعىنداعى كىرەبەرىس قاقپانى سوقتى، دەپ حابارلايدى russian.rt.com.

پوليتسەيلەردىڭ ايتۋىنشا، جۇرگىزۋشى بىرنەشە قيىلىستاردان قىزىل ءتۇس جانىپ تۇرعاندا ءوتىپ كەتكەن. پوليتسەيلەر كولىكتى توقتاتپاقشى بولعان. ءبىراق جۇرگىزۋشى جىلدامدىقتى ارتتىرعان ءارى بومبا جارامىن دەپ قورقىتقان. بىرنەشە مينۋتتان كەيىن ول ف ت ب عيماراتىنا قاراي كۇرت بۇرىلىپ، كىرەبەرىس قاقپانى سوققان.

كولىك اۆتوتۇراق اۋماعىنداعى شام باعانىنا سوعىلدى، جۇرگىزۋشىدەن باسقا ەشكىم زارداپ شەكپەدى، دەپ حابارلادى АВСnews.

ف ت ب اگەنتتەرى كولىكتى تەكسەردى، ءبىراق جارىلعىش زات تاپپادى.

جۇرگىزۋشىگە بىرنەشە باپ بويىنشا ايىپ تاعىلدى.