10:24, 26 - شىلدە 2016 | GMT +6
وزبەك بوكسشىسى سۋپەر اۋىر سالماقتاعى الەم چەمپيونى تيتۋلىنان ايىرىلدى
استانا. قازاقپارات - بۇكىل الەمدىك بوكس قاۋىمداستىعى (WBA) وزبەكستان بوكسشىسى رۋسلان چاگايەۆتى پۋەرتوريكالىق فرەس وكەندومەن كەزدەسۋدەن باس تارتقانى ءۇشىن سۋپەر اۋىر سالماقتاعى الەم چەمپيونى تيتۋلىنان ايىردى.
«رۋسلاننىڭ دەنساۋلىعىمەن پروبلەمالار تۋىندادى. WBA كوپ ۋاقىت جەكپە-جەككە شىقپاعانى ءۇشىن تيتۋلدان ايىرعانى تۋرالى حات جولدادى»، - دەپ ت ا س س سپورتشىنىڭ پروموۋتەرى تيمۋر دۋگازايەۆكە سىلتەمە جاساپ حابارلادى.
وسىعان دەيىن WBA الەم چەمپيونى تيتۋلىن چاگايەۆقا قايتارعان، ال بەلدەۋدىڭ بۇرىنعى يەسى اۆستراليالىق لۋكاس براۋن دوپينگ پايدالانعانى ءۇشىن جارتى جىلعا شەتتەتىلدى.
اۆستراليالىق 5- ناۋرىزدا چاگايەۆتى تەحنيكالىق نوكاۋتپەن 10 كەزەڭدە جەڭگەن. كەيىن براۋن تاپسىرعان دوپينگ-سىنامادان كلەنبۋتەرول تابىلعانى بەلگىلى بولدى.
اۆتور: كۇنسۇلتان وتارباي
