ح و ك رەسەيدى ريو وليمپيداسىنا قاتىستىرۋ تۋرالى دۇرىس شەشىم شىعاردى - قاسىم- جومارت توقايەۆ
«ح و ك رەسەيدى ريو وليمپياداسىنا قاتىستىرۋ تۋرالى دۇرىس شەشىم شىعاردى. «تازا» سپورتشىلار فۋنكتسيونەرلەر ءۇشىن جاۋاپكەرشىلىك الماۋ كەرەك»، - دەپ جازدى ق. توقايەۆ ءوزىنىڭ تۆيتتەرىندە.
بۇگىن لوزاننا قالاسىندا ريو وليمپياداسىنا رەسەي قۇراما كومانداسىنىڭ قاتىسۋ-قاتىسپاۋىنا قاتىستى تالقىلاۋ وتكەن بولاتىن.
وتىرىس شەشىمى بويىنشا ح و ك رەسەي اتلەتتەرىنىڭ 2016-جىلعى وليمپياداعا قاتىسۋى تۋرالى شەشىمدى سپورت تۇرلەرى بويىنشا حالىقارالىق فەدەراتسيا قابىلدايتىنىن ايتتى.
ايتا كەتەيىك، بۇگىن بريتانيالىق تانىمال Daily Mail باسىلىمى حالىقارالىق وليمپيادا كوميتەتى (ح و ك) بۇكىل رەسەي قۇراماسىن «مەملەكەتتىك دوپينگتىك باعدارلاماسى» ءۇشىن جازالاپ وتىرعانىن، ال ح و ك- تىڭ ۇستانىمى «دوپينگ -سپورت اتاۋلىعا جاسالعان شابۋىل» ەكەنىن العا تارتا وتىرىپ، رەسەيلىك سپورتشىلاردى وليمپيادا ويىندارىنان شەتتەتەتىنى تۋرالى جازادى. سونداي-اق، كەيبىر دەرەككوزدەر كەلتىرگەن دايەكتەرگە سۇيەنسەك، رەسەي سپورتشىلارىن تەك ريودان عانا ەمەس، 2018-جىلى وڭتۇستىك كورەيادا وتەتىن قىسقى وليمپيادا ويىندارىنان دا شەتتەتۋ ماسەلەسى قاراستىرىلىپ جاتقانى ايتىلعان.
ەستەرىڭىزگە سالا كەتەيىك، دوپينگ داۋى قازاقستان قۇراماسىن دا اينالىپ وتكەن جوق. وسىعان دەيىن حالىقارالىق اۋىر اتلەتيكا فەدەراتسياسى (IWF) قازاقستاندىق اۋىر اتلەت يليا ءيليننىڭ بەيجىڭ مەن لوندون وليمپيادالارى كەزىندە، ال ءزۇلفيا چينشانلو، مايا مانەزا جانە سۆەتلانا پودوبەدوۆا ۇشەۋى سوڭعى وليمپيادادا دوپينگ قولداندى دەپ، جارىستاردان شەتتەتكەن بولاتىن. بۇل اتى اتالعان سپورتشىلار بيىلعى ريو وليمپياداسىنا قاتىسپايدى.
