بەرىك ءۋالي جىبەرگەن دومبىرا باي-ولكەدەگى بالانىڭ قولىنا ءتيدى - فوتو
بۇل تۋرالى Janarbek Aqbi ەسىمدى ازامات ءوزىنىڭ فەيسبۋكتەگى جەكە پاراقشاسىندا جاريالادى.
«بايان-ولگەيدەگى سەلدەن زارداپ شەكەندەردىڭ فوتوسىن عالامتورعا شاشتىق. باستى ماقسات ەل بولىپ قينالعان اعايىندارعا كومەك قولىمىزدى سوزساق دەگەن يگى تىلەك ەدى. سولاردىڭ ىشىندە دومبىراسى شاعىلعان ولجاستىڭ فوتوسى دا عالامتوردى شارلاپ كەتتى. فوتو كوپتىڭ نازارىن اۋداردى. تانىمال جۋرناليست بەرىك ءۋاليدى دە سىنعان دومبىرانى قۇشاقتاعان بالاقايدىڭ فوتوسى بەي-ءجاي قالدىراماسا كەرەك. بايان-ولگەيگە سەلدەن زارداپ شەككەندەرگە قارجىسىندا ۇسىنىپ ءۇش جاسار ولجاس بالاقايعا جاڭا دومبىرا الىپ بەرىپ جىبەرىپتى»، - دەپ جازىلعان الەۋمەتتىك جەلى پاراقشاسىندا.
بۇل دومىبىرانى اتا-جۇرتتان سەلدەن زارداپ شەككەندەرگە قولۇشىن بەرۋ ءۇشىن ارنايى بارعان اياتجان احمەتجان مەن امانگەلدى قۇرمەت ۇلى بەرىك ۋاليدىڭ اماناتىن ورىنداپ، 3 جاسار برەجنيەۆ ۇلى ولجاستى قۋانتتى. الىستان كەلگەن دومبىرانى تابىس ەتىپ، ەلدەن سالەم جەتكىزدى. ولجاستىڭ اكەسى دە بەرىك ۋاليگە العىسىن ايتىپ، جۇمىسىنا ساتتىلىك تىلەدى.
ەسكە سالا كەتەيىك، «قازاقپاراتتا» بەرىك ءۋالي دومبىراسى سىنعان باي-ولكەدەگى بالاعا دومبىرا سىيلايتىنى تۋرالى حابارلاماسىن بۇعان دەيىن جاريالاعان بولاتىن.
тын.
اۆتور: كۇنسۇلتان وتارباي
