ءبىر ادام ۇيىمداسقان قىلمىستىق توپتان الدەقايدا قاۋىپتى بولىپ تۇر - ە. قارين

كەشە، 18 -شىلدە كۇنى الماتى قالاسىندا ورىن العان تەررورلىق اكتىگە بايلانىستى، ساراپشى جۋرناليستەردىڭ سۇراعىنا جاۋاپ بەرىپ، زەرتتەۋلەرگە سۇيەنە وتىرىپ، بەلەڭ الىپ وتىرعان كورىنىستەرگە قاتىستى تۇجىرىمىن ايتتى.

ەرلان قارين اتاپ وتكەندەي، قازىر الەم بويىنشا «جالعىز سودىر» تەندەنسياسى بەلەڭ الىپ وتىر.

«كەيبىر ازاماتتار الەۋمەتتىك جەلى ارقىلى «ءبىر ادامنىڭ ارەكەتىنىڭ الدىن الۋعا بولمادى ما؟» دەگەن پىكىرلەرىن ايتىپ جاتىر. ءبىراق، ءبىز «ۇيىمداسقان توپ قاۋىپتى، ءبىر ادامنىڭ ارەكەتى قاۋىپتى ەمەس» دەپ ايتا المايمىز. كەرىسىنشە، ءبىر ادامنىڭ نەمەسە كىشىگىرىم بەلگىلى ءبىر توپتىڭ ارەكەتىن الدىن الۋ الدەقايدا قيىن بولادى. سەبەبى، ولار ارەكەتىن دايىنداۋ بارىسىندا ونى جوسپارلامايدى، قارۋ-جاراقتى دايىندامايدى. تاعىسىن تاعى... سوندىقتان، وپەراتيۆتىك ارنالار ارقىلى اقپاراتتى الدىن الا ءبىلىپ، ونداي توپتىڭ ارەكەتىن الدىن الۋ قيىنعا سوعادى»، - دەپ جاۋاپ بەردى «قازاقپارات» ءتىلشىسىنىڭ سۇراعىنا جاۋاپ بەرگەن ە. قارين.

ءوزىمىز بىلەتىندەي، وتكەن اپتا كۇنى فرانتسيانىڭ نيتستسا قالاسىندا 31 جاستاعى ازامات جالعىز ءوزى 84 ادامنىڭ ءومىرىن قيىپ، ۇلكەن تەررورلىق ارەكەتتى جالعىز ءوزى «اتقارىپ» شىققان. ەرلان قارين بۇل مىسالعا ا ق ش- تىڭ ورلاندو قالاسىنداعى وقيعانى، بانگلادەشتەگى تەرراكتىنى قوستى.

«سوندىقتان، وسىنداي كىشىگىرىم قىلمىسكەرلەردىڭ شابۋىلدارى سوڭعى ۋاقىتتا ۇيىمداسقان توپتىڭ ارەكەتىنەن الدەقايدا قيىنعا سوعىپ جاتىر. فرانسيانىڭ نيسسا قالاسىندا بولعان ارەكەتتى كورىپ وتىرمىز، ا ق ش- تىڭ ورلاندو قالاسىنداعى، ونىڭ الدىنداعى باسقا جاعدايلاردا تەرورريستىك شابۋىلداردى ۇيىمداستىرىپ وتىرعان ءبىر، كوپ بولسا، ەكى- ءۇش ادام»، - دەپ ءتۇسىندىردى ە. قارين.

اۆتور: كەنجەكەي توقتامۇرات قىزى