ق ر س ءى م: نيسسادا قازا تاپقان قازاقستاندىقتاردىڭ دەنەلەرىن ەلگە جەتكىزۋ جۇمىستارى قولعا الىندى

استانا. قازاقپارات - قازاقستاندىق ديپلوماتتار فرانسۋز بيلىگىمەن بايلانىس ورناتىپ، نيسسادا قازا تاپقان قازاقستاندىقتاردىڭ دەنەلەرىن ەلگە جەتكىزۋ بويىنشا جۇمىستاردى ۇيىمداستىرۋدا.

بۇل تۋرالى بۇگىن ءبىزدىڭ تىلشىمىزگە ق ر سىرتقى ىستەر مينيسترلىگىنىڭ باسپا ءسوز حاتشىسى انۋار جايناقوۆ ءمالىم ەتتى.

 «قازىرگى ۋاقىتتا قازاقستاننىڭ فرانسياداعى ەلشىلىگىنىڭ ديپلوماتتارى نيسسادا جانە ولار فرانسۋز بيلىگىمەن بايلانىس ورناتىپ، نيسسادا قازا تاپقان قازاقستاندىقتاردىڭ دەنەلەرىن ەلگە جەتكىزۋ بويىنشا جۇمىستاردى ۇيىمداستىرۋدا»، - دەدى ا. جايناقوۆ.

ق ر س ءى م باسپا ءسوز حاتشىسىنىڭ ايتۋىنا قاراعاندا، قازا تاپقان ازاماتتارىمىزدىڭ مايىتتەرى ەلگە قاشان جىبەرىلەتىنى ءالى بەلگىسىز قالىپ وتىر.

ەسكە سالا كەتەيىك، نيتسادا ورىن العان لاڭكەستىك بارىسىندا 3 ادامنان قۇرالعان ءبىر وتباسى كوز جۇمدى. سونىمەن قاتار، سول وقيعادا قازا تاپقان تاعى ءبىر قازاقستاندىقتىڭ بارى انىقتالدى. بۇنىڭ الدىندا حابارلاعانىمىزداي، شىلدەنىڭ 14 نەن 15 نە قاراعان ءتۇنى نيسسادا باستيليانىڭ الىنۋىنا بايلانىستى وتكەن وتشاشۋ كەزىندە جۇك كولىگىنە مىنگەن لاڭكەس جينالىپ تۇرعان حالىققا بارىپ سوعىلعان. كۋاگەرلەردىڭ ايتۋىنا قاراعاندا، جۇك كولىگى ەكى شاقىرىم بويى ادامداردى قاساقانا باسىپ وتكەن.

 اۆتور: جاسۇلان جولدىبايەۆ