جان تىنىشتىعىن سەزىنگىڭىز كەلسە
نەگە ءبىز وسى ءومىردىڭ قيىندىقتارىنان قينالامىز، ءوزىمىز جەتىستىككە جەتە الماساق، باقىتتى بولا الماساق، وزگەلەردىڭ باقىتىن قىزعانامىز؟ ءومىر دەگەن شاحمات تاقتاسى سەكىلدى، تەك ءوز جەڭىسىڭىزدى جىبەرىپ الماساڭىز بولعانى.
جاننىڭ تىنىشتىعىن سەزىنگىڭىز كەلسە، پسيحولوگتىڭ كەڭەسىنە قۇلاق اسىڭىزدار:
- وزگەدەن قاتە ىزدەگەنشە، ءوزىڭىزدىڭ قاي جەردەن قاتە كەتكەنىڭدى باعامداڭىز.
- جاننىڭ تىنىشتىعى دەگەنىمىز - وزگەلەرگە باقىت پەن قۋانىش سىيلاي ءبىلۋ.
- ءار ءساتتى ءوزىڭىز باقىتتى ەتۋگە تىرىسىڭىز.
- نەگە قىزىقساڭىز، سونىمەن اينالىسۋعا تىرىسىڭىز.
- كوڭىلدى جۇرگىڭىز كەلسە، جاقىندارىڭىزعا جاقسى ءسوز ايتىڭىز.
- كۇلىمدەۋگە سەبەپ ىزدەمەڭىز، كۇلىمدەۋدى جابىققان جاندارعا ۇيرەتىڭىز.
- وزگەدەن قامقورلىق كۇتپەڭىز، ءوزىڭىز جاساڭىز.
- ماحابباتتان كوڭىلىڭىز ءجيى قالسا، «سۇيگەندى ءسۇي، سۇيمەگەنگە جالىنبا» دەگەن ءسوز ەسىڭىزدە بولسىن.
- تازا اۋادا ويىڭىزدى جيناقتاۋعا تىرىسىڭىز.
- اسەم اۋەنمەن بىرگە ءان ايتىڭىز.
- ادامدارمەن ەرەكشە كوڭىل كۇيمەن امانداسىڭىز.
- كۇندەلىك جازىڭىز.
- اسپانداعى جۇلدىزدارعا قاراپ، ءوزىڭىزدى بيىك جۇلدىزعا تەڭەڭىز.
- جارقىن جۇرەك، جارقىن ءجۇز ءار جانعا قۋانىش سىيلايدى.
- الەۋمەتتىك جەلىدە كوپ وتىرماۋعا تىرىسىڭىز، اركىمنىڭ ومىرىنە قىزىعىپ، اركىمنىڭ ومىرىنە قول سۇعا بەرمەڭىز.
- كورەالماۋشىلىقتان كوزىڭىز بايلانسا، ءوزىڭىزدى جاقسىمىن دەپ ويلاماڭىز.
- وزىڭىزگە نە تىلەسەڭىز، ادامدارعا دا سونى تىلەڭىز. سوندا عانا ومىردەن راحات تابا بىلەسىز.
- وزگەنىڭ باقىتىن قىزعانۋدان ادام تەز قارتاياتىنىن بىلەسىز بە؟
- دۇرىس ويلاپ، دۇرىس قادامدار جاساساڭىز عانا جانىڭىزدى تىنىشتىققا بولەۋگە بولادى.
massaget.kz
