بۋراباي كۋرورتتىق ايماعى ەكسپو كورمەسىنىڭ قوناقتارىن قابىلداۋعا دايىن - نۇرسۇلتان نازاربايەۆ
استانا. قازاقپارات - بۋراباي دەمالىس ايماعىنىڭ ينفراقۇرىلىمى دامىتىلادى. بۇل تۋرالى پرەزيدەنت نۇرسۇلتان نازاربايەۆ كورىكتى كوكشەگە ارنايى بارىپ تىلشىلەرگە بەرگەن سۇحباتىندا ايتتى.
الداعى ۋاقىتتا استانا مەن كوكشەتاۋ اراسىنداعى تاسجولدىڭ جيەگى جاسىل جەلەكپەن كومكەرىلىپ، قوس شاھاردىڭ ماڭايى ورمان القابىنا اينالماق. ال بۋرابايدىڭ ساف اۋاسى مەن ءمولدىر سۋىن قورعاۋ ءۇشىن تازارتۋ توعانى مەن جىلۋ ەلەكتر ورتالىعى سالىنادى. جالپى كۋرورتتىق ايماق كەلەر جىلعى ەحرو كورمەسىنىڭ قوناقتارىن قابىلداۋعا دايىن، دەپ حابارلايدى 24.kz.
