ق ر پرەزيدەنتى تەرەزا مەيدى ۇلى بريتانيانىڭ پرەمەر-ءمينيسترى لاۋازىمىنا تاعايىندالۋىمەن قۇتتىقتادى
استانا. قازاقپارات - ەلباسى نۇرسۇلتان نازاربايەۆ تەرەزا مەيگە ونىڭ ۇلى بريتانيا جانە سولتۇستىك يرلانديا بىرىككەن كورولدىگىنىڭ پرەمەر-ءمينيسترى لاۋازىمىنا تاعايىندالۋىنا بايلانىستى قۇتتىقتاۋ جەدەلحاتىن جولدادى.
بۇل تۋرالى اقوردانىڭ باسپا ءسوز قىزمەتى حابارلادى.
نۇرسۇلتان نازاربايەۆ تەرەزا مەيدى قازاقستان حالقىنىڭ جانە جەكە ءوزىنىڭ اتىنان قۇتتىقتادى جانە ەكى ەلدىڭ اراسىندا بەرىك قارىم- قاتىناس ورناعانىن اتاپ ءوتتى.
« ۇلى بريتانيا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋدا قازاقستاننىڭ كانديداتۋراسىن قولداعانىن ەلىمىز جوعارى باعالايدى. ءبىز ەكىجاقتى سەرىكتەستىكتى ەكى مەملەكەت حالىقتارىنىڭ يگىلىگى جولىندا دامىتا بەرۋگە ءازىرمىز»، - دەلىنگەن جەدەلحاتتا.
ەلباسى سوڭىندا ت. ءمەيدىڭ جاڭا قىزمەتىندە تابىستى بولۋىنا، ال بىرىككەن كورولدىك حالقىنىڭ وركەندەي بەرۋىنە تىلەكتەستىگىن ءبىلدىردى.
