كۋالىگىنە لاقاپ اتىن جازدىرىپ العان اقىلبەك جەمەنەي جۇرتتىڭ كۇلكىسىنە قالدى

استانا. قازاقپارات - جەكە كۋالىگىندە ەسىمىن اقىلبەك جەمەنەي دەپ وزگەرتكەن ءانشى جۇرتتىڭ كۇلكىسىنە قالدى.

جەلى قولدانۋشىلارى ءانشىنىڭ بۇل قىلىعىن ماقتانشاقتىققا بالادى.

بۇل تۋرالى "Stan.kz" حابارلايدى.

جۋىردا ءانشىنىڭ ەسكى كۋالىگىنىڭ مەرزىمى ءبىتىپ، جاڭاسىن العان. بۇرىنعى كۋالىگىندە تولىق اتى-ءجونى ايازباي اقىلبەك وڭداسىن ۇلى دەپ جازىلعان بولاتىن. ءانشى وسى جولى لاقاپ اتىن زاڭداستىرۋدى ءجون كورگەن.

جاڭا كۋالىگىندە تەگىن ايازباي، ال ەسىمىن اقىلبەك جەمەنەي دەپ جازدىرعان. جەلى قولدانۋشىلارى ونىڭ بۇل ارەكەتىن سىناپ، ماقتانشاقتىققا بالادى.

«ەكى ەسىم جازدىرىپ العان با؟ سوندا اكەسىنىڭ اتى قايدا قالدى؟»، «رۋىڭدى دا جازۋعا بولا ما؟ قاتىرىپسىڭ عوي»، «نەگە اكەڭنىڭ ەسىمىن جازبادىڭ؟»، «اعا، تۋعان جەرىڭىزدى نەگە جاۋىپ قويدىڭىز؟ الدە اۋىل بولعان سوڭ سولاي ەتتىڭىز بە؟» دەگەن سىندى استارلى ءازىلدى جاعىمسىز پىكىرلەر بىلدىرگەن.

مۇنىمەن قاتار، انشىگە ءسات- ساپار تىلەپ، جاڭا كۋالىگىمەن قۇتتىقتاپ جاتقاندار دا بولدى.