14:18, 10 - شىلدە 2016 | GMT +5
سۋ تاسقىنىنا بايلانىستى قىتايدا شوشقا ەتى مەن كوكونىستەر قىمباتتادى
استانا. قازاقپارات - ءبىر اپتادان بەرى قىتايدىڭ وڭتۇستىگىنە جاۋعان جاڭبىر الاپات سۋ تاسقىنىنا اينالدى.
ونداعى شوشقا فەرمالارى مەن كوكونىس القابى ايتارلىقتاي زارداپ شەككەندىكتەن، اپات ايماعىندا شوشقا ەتى مەن كوكونىستەر باعاسى قىمباتتادى، دەپ حابارلادى epochtimes.ru.
جاز باستالعالى قىتايداعى ەڭ ۇزىن وزەن يانتسزىنىڭ تومەنگى اۋداندارىنداعى نوسەر جاۋىن تولاستار ەمەس. يانتسزى وزەنىنىڭ سۋى جانە ساي-سالادان اققان سۋ اينالاعا تاراپ، وڭىردەگى اۋىل شارۋاشىلىعى مەن مال شارۋاشىلىعىنا ۇلكەن زالال كەلتىرۋدە.
