امەريكادا جارىلعىشتى ىزدەۋدى كيبورگ شەگىرتكەگە جۇكتەمەك
وسى جوبا ءۇشىن ا ق ش- تىڭ اسكەري-تەڭىز زەرتتەۋلەر باسقارماسى 750 مىڭ دوللار گرانت ءبولدى، دەپ حابارلايدى ۋنيۆەرسيتەتتىڭ سايتى.
جوبانىڭ جەتەكشىسى بارانيدحاران رامان بىرنەشە جىل بۇرىن ناسەكومداردى زەرتتەپ ءجۇرىپ، ولاردىڭ سەزۋ ورگاندارى قازىرگى سەنسورلىق تەحنولوگيالاردان دالىرەك جۇمىس ىستەيتىندىگىن بايقاعان. ول جارىلعىشتى ىزدەۋدە شەگىرتكە جاقسى ناتيجە بەرەدى دەپ سانايدى. ەگەر وعان بەلگىلى ءبىر يىستەردى تانۋدى ۇيرەتسە ول ونى باسقا زاتتارمەن ارالاستىرسا دا بىلە الادى.
سونىمەن بىرگە، شەگىرتكەنىڭ ميى كەلىپ تۇسكەن بەلگىلەردى جىلدام وڭدەيدى. وعان جارىلعىشتىڭ ءيىسىن انىقتاۋ ءۇشىن بىرنەشە جۇزدەگەن ميلليسەكۋند جەتكىلىكتى.
عالىمدار جاندىكتىڭ وسى نەيرون يمپۋلستەرىن تاني الۋى كەرەك. «ءبىز شەگىرتكەگە وتا جاساپ ونىڭ ميىنا ەلەكترود يمپلانتتايمىز. بىرنەشە ساعات ىشىندە شەگىرتكە ەسىن جيناپ ەشتەڭە بولماعانداي جۇرە بەرەدى»، - دەيدى رامان.
سونداي-اق زەرتتەۋشىلەر توبى شەگىرتكەنىڭ ميىنداعى يمپۋلستاردى قابىلدايتىن ارقاسىنا بەكىتىلگەن شاعىن بەلگى بەرۋشى قورجىن جاسايدى. شەگىرتكە ىزدەۋ جۇمىستارىنا كىرىسكەندە ول جاسىل جارىق شىعارسا، جارىلعىش تاپقان كەزدە جارىق ديود قىزىلعا اۋىسادى.
كيبورگ شەگىرتكەنىڭ العاشقى نۇسقاسى ءبىر جىلدان سوڭ دايىن بولادى، ال ەكى جىلدان سوڭ ول ىسكە كىرىسەدى دەپ كۇتىلۋدە.
