العاش رەت كوكپاردان ق ر قارۋلى كۇشتەرىنىڭ شتاتتىق كومانداسى قۇرىلدى - فوتو
قارۋلى كۇشتەرىنىڭ قۇراماسى ا و س ك- نىڭ ارميالىق سپورتشىلارى مەن تاۋلى-ەگەرلىك پولكتىڭ اسكەري قىزمەتشىلەرىنەن جاساقتالعان، دەپ حابارلادى ق ر ق م باسپا ءسوز قىزمەتى.
ارميا ورتالىق سپورت كلۋبى وكىلدەرىنىڭ ايتۋىنشا، وسىنداي سپورت ءتۇرىنىڭ ەنگىزىلۋى مەن شتاتتىق كوماندانىڭ قۇرىلۋى ارميالىق سپورتشىلارعا سپورتتىڭ بۇل تۇرىندە ونەر كورسەتىپ قانا قويماي، سونىمەن بىرگە، كاسىبي مامانداردى دايارلاۋعا مۇمكىندىك بەرەدى. ويتكەنى، قازاقستاندىق ارميادا تاۋلى جاعدايدا جاۋىنگەرلىك ارنايى وپەراتسيالارعا قاتىسۋ ءۇشىن ارنالعان جەكەلەگەن بولىمشە، ياعني، جەكەلەگەن تاۋلى-ەگەرلىك پولك بار.
بۇگىن، استانادا كوكپاردان ارميالىق قۇرامانىڭ العاشقى ويىنى ءوتتى. دوستاستىق تۋرنيرىندە ارمياشىلار قاراعاندى وبلىسىنىڭ قۇراماسىمەن تەكە تىرەسكە ءتۇستى.
«كوكپاردان قۇراما كوماندا قۇرۋداعى نەگىزگى ماقسات قارۋلى كۇشتەر بويىنشا رەسپۋبليكالىق جانە حالىقارالىق دەڭگەيدەگى سايىستاردا ونەر كورسەتۋ»، - دەدى سپورت كوميتەتىنىڭ ءتوراعاسى - ق ر ق م ا و س ك- نىڭ باستىعى ايتالاپ قورعامبايەۆ.
العاشقى ويىن 3:1 ەسەبىمەن ارميالىق سپورتشىلاردىڭ جەڭىسىمەن اياقتالدى. «ءومىرىمدى اسكەري ىسپەن بايلانىستىرامىن دەپ ەشقاشان ويلاماپپىن. الايدا، ا و س ك- دا كوكپاردان كوماندا جاساقتالعانىن ەستىپ، مەن سپورتتىق روتادا قىزمەت ەتۋگە كەلدىم»، - دەدى ا و س ك سپورتتىق روتاسىنىڭ مەرزىمدى قىزمەتتەگى ساربازى دانيار عاللينۇروۆ اتاپ ءوتتى.
تاۋلى-ەگەرلىك پولكتىڭ سەرجانتى ازات جيدەبەكوۆتىڭ ايتۋى بويىنشا، پولكتە قىزمەت ەتۋ ءۇشىن اسكەري قىزمەتشىلەر اتقا ءمىنۋدىڭ قىر-سىرىن ءبىلۋى، سونداي-اق دەنە جانە جاۋىنگەرلىك دايارلىعى دا كەرەمەت بولۋى ءتيىس. سوندىقتان بولار، كوكپارمەن شۇعىلداناتىن بوزبالالار، اسىرەسە، ات قۇلاعىندا ەركىن وينايتىن اۋىل بالالارى اسكەرگە كەلەدى. بۇل بوزبالالاردىڭ مەرزىمدى اسكەري قىزمەت وتكەرگەننەن كەيىن تاۋلى- ەگەرلىك پولكتە نەمەسە ق ر ق م ارميا ورتالىق سپورت كلۋبىندا قىزمەت ەتۋگە بارلىق مۇمكىندىكتەرى بار.
