قازاقستان تاريحىندا وليمپيادادا بىردە- ءبىر مەدال الماعان وبلىستى بىلەسىز بە؟

استانا. قازاقپارات - ريو وليمپياداسىنىڭ باستالۋىنا ساناۋلى كۇندەر قالدى.

قازىر ەلىمىزدەن وسى دوداعا جولداما العان ءار وبلىستىڭ سپورتشىلارى ءبىر ءۇيدىڭ بالاسىنداي بىرىگىپ، تاۋەلسىز قازاقستاننىڭ بايراعىن جەلبىرەتىپ قايتۋعا ساقاداي سايلانىپ جاتىر.

وسىدان ءتورت جىل بۇرىن لوندون وليمپياداسىندا جارقىن جەڭىستەرىمەن قۋانتقان قازاقستان سپورتشىلارى بيىل ريو- دە- جانەيرو وليمپياداسىندا سول بيىكتى باعىندىرا الا ما، جوق پا ول ۋاقىت ەنشىسىندە. قازىرگە دەيىن سپورتشىلارىمىز ريوعا جولدامالار سانىن جۇزگە جەتكىزدى. ەستەرىڭىزدە بولسا، لوندون وليمپياداسىنا 116 سپورتشىمىز بارىپ، 25 سپورت تۇرىنەن باق سىناپ، 7 التىن، 1 كۇمىس، 5 قولا مەدال يەلەنىپ، جالپى ەسەپتە 12-ورىندى جەڭىپ العان بولاتىن.

وسى ءىرى جەتىستىكتەن كەيىن، قازاقستان سپورتشىلارى تاۋەلسىز ەل رەتىندە قاتىسقان 5 جازعى وليمپيادا ويىندارىنداعى جەڭىپ العان جالپى مەدالدار سانىن 52 گە جەتكىزدى. ونىڭ 16 سى التىن، 17 سى كۇمىس، 19 ى قولا مەدال.

بۇل مەدالداردىڭ بارلىعى ءبىر سپورتشىعا نەمەسە ءبىر وبلىسقا عانا تيەسىلى ەمەس. تۇتاس ەل بولىپ توگىلگەن ماڭداي تەردىڭ ناتيجەسى. الايدا، وليمپيادا تاريحىنا كوز جۇگىرتىپ، وسى مەدالدار سانىنا قاي وبلىس قانشا ۇلەس قوستى دەگەنگە كەلەتىن بولساق، ءار ءوڭىردىڭ جەتىستىگى ءارقالاي. ءتىپتى، ەلىمىز تاۋەلسىزدىك العان 25 جىلدا، 5 جازعى وليمپيادا ويىندارىندا قازاقستان قورجىنىنا بىردە ءبىر مەدال سالماعان وبلىس بار. ول قاي وبلىس؟ تومەندەگى ستاتيستيكاعا نازار اۋدارايىق.

اتلانتا-1996

3 التىن، 4 كۇمىس، 4 قولا مەدال:

الماتى وبلىسى - 2 التىن مەدال، 1 قولا مەدال؛

قاراعاندى وبلىسى - 1 التىن مەدال؛

الماتى قالاسى - 2 كۇمىس، 2 قولا مەدال؛

جامبىل وبلىسى - 1 كۇمىس، 1 قولا مەدال؛

اقمولا وبلىسى - 1 كۇمىس مەدال؛

سيدنەي-2000

3 التىن، 4 كۇمىس مەدال

و ق و - 1 التىن، 1 كۇمىس مەدال؛

الماتى قالاسى - 1 التىن مەدال؛

اقتوبە وبلىسى - 1 التىن مەدال؛

جامبىل وبلىسى - 2 كۇمىس مەدال؛

س ق و - 1 كۇمىس مەدال؛

افينى-2004

1 التىن، 4 كۇمىس، 3 قولا مەدال

جامبىل وبلىسى - 1 التىن مەدال؛

الماتى وبلىسى - 2 كۇمىس مەدال؛

قاراعاندى وبلىسى - 1 كۇمىس، 2 قولا مەدال؛

و ق و - 1 كۇمىس مەدال؛

الماتى قالاسى - 1 قولا مەدال؛

بەيجىڭ-2008

2 التىن، 4 كۇمىس، 7 قولا مەدال

الماتى قالاسى - 1 التىن، 1 قولا مەدال؛

قىزىلوردا وبلىسى - 1 التىن مەدال؛

و ق و - 1 كۇمىس، 2 قولا مەدال؛

اقمولا وبلىسى - 1 كۇمىس، 1 قولا مەدال؛

استانا قالاسى - 1 كۇمىس مەدال؛

ب ق و - 1 كۇمىس مەدال؛

الماتى وبلىسى - 1 قولا مەدال؛

اتىراۋ وبلىسى - 1 قولا مەدال؛

ماڭعىستاۋ وبلىسى - 1 قولا مەدال؛

لوندون-2012

7 التىن، 1 كۇمىس، 5 قولا مەدال

الماتى وبلىسى - 3 التىن مەدال؛

قاراعاندى وبلىسى - 1 التىن مەدال؛

 س ق و - 1 التىن مەدال؛

قىزىلوردا وبلىسى - 1 التىن مەدال؛

ش ق و - 1 التىن مەدال؛

ماڭعىستاۋ وبلىسى - 1 كۇمىس مەدال؛

جامبىل وبلىسى - 1 قولا مەدال؛

الماتى قالاسى - 1 قولا مەدال؛

استانا قالاسى - 1 قولا مەدال:

قوستاناي وبلىسى - 1 قولا مەدال؛

ب ق و - 1 قولا مەدال.

ەندى وسى مەدالدار سانىن ءار ءوڭىر بويىنشا كوبىنەن ازىنا قاراي جەكە-جەكە جيناقتاپ شىعايىق.

الماتى وبلىسى - 5 التىن، 2 كۇمىس، 2 قولا (9) مەدال؛

الماتى قالاسى - 2 التىن، 2 كۇمىس، 5 قولا (9) مەدال؛

قاراعاندى وبلىسى - 2 التىن، 1 كۇمىس، 2 قولا (5) مەدال؛

قىزىلوردا وبلىسى - 2 التىن، 0 كۇمىس، 0 قولا (2) مەدال؛

جامبىل وبلىسى - 1 التىن، 3 كۇمىس، 2 قولا (6) مەدال؛

و ق و - 1 التىن، 3 كۇمىس، 2 قولا (6) مەدال؛

س ق و - 1 التىن، 1 كۇمىس، 0 قولا (2) مەدال؛

 اقتوبە وبلىسى - 1 التىن، 0 كۇمىس، 0 قولا (1) مەدال؛

 

 ش ق و - 1 التىن، 0 كۇمىس، 0 قولا (1) مەدال؛

اقمولا وبلىسى - 0 التىن، 2 كۇمىس، 1 قولا (3) مەدال؛

استانا قالاسى - 0 التىن، 1 كۇمىس، 1 قولا (2) مەدال؛

ب ق و - 0 التىن، 1 كۇمىس، 1 قولا (2) مەدال؛

ماڭعىستاۋ وبلىسى - 0 التىن، 1 كۇمىس، 1 قولا (2) مەدال؛

اتىراۋ وبلىسى - 0 التىن، 0 كۇمىس، 1 قولا (1) مەدال؛

قوستاناي وبلىسى - 0 التىن، 0 كۇمىس، 1 قولا (1) مەدال؛

پاۆلودار وبلىسى - 0 التىن، 0 كۇمىس، 0 قولا (0) مەدال؛

وسى ساندارعا قاراساڭىز، جازعى وليمپيادا ويىندارىندا ونەر كورسەتكەن سپورتشىلارىمىز اراسىندا الماتى وبلىسىنىڭ سپورتشىلارى ەڭ كوپ جۇلدە العانىن كورۋگە بولادى. ال پاۆلودار وبلىسىنان ءالى بىردە- ءبىر سپورتشى وليمپيادا ويىندارىندا جۇلدەگە ىلىنە الماي كەلەدى.

اۆتور: كۇنسۇلتان وتارباي