استانادا «شاتتىق» بالالار شىعارماشىلىعى فەستيۆالى ءوتىپ جاتىر - فوتو
استانالىق ساياباقتا ءوتىپ جاتقان شارا بارىسىندا قازاقستاننىڭ بارلىق وڭىرلەرىنەن، سونداي- اق ارمەنيا، بولگاريا، گەرمانيا، گرۋزيا، يتاليا، قىتاي، رەسەي، تۇركيا جانە ت. ب. مەملەكەتتەردەن كەلگەن جاس دارىندار باس قوسادى. قاتىسۋشىلار ۆوكالدىق، حورەوگرافيالىق، ينسترۋمەنتالدى، ەرەكشە جانرلاردا جانە «ءسان تەاترى» نوميناتسياسىندا شەبەرلىك بايقاسادى، دەپ حابارلايدى astana.kz.
- فەستيۆال اياسىندا ءاربىر كوماندا قازىلار القاسىنىڭ نازارىنا 30 مينۋتتىق باعدارلاما ۇسىنادى، جەڭىمپازدار التى اتالىم بويىنشا انىقتالادى. فەستيۆالدى جىل سايىن وتكىزۋ داستۇرگە اينالعان، وعان جىل سايىن جۇزدەگەن بالا قاتىسادى، - دەيدى جوبانىڭ اۆتورى جانە ۇيىمداستىرۋشى قارلىعاش ابدىكارىموۆا.
جاس ارتىستەردىڭ ونەرىن ونەر الەمىنىڭ بەلگىلى قايراتكەرلەرى - كومپوزيتورلار، انشىلەر، حورەوگرافتار باعالايتىن بولادى. ءادىل قازىلار القاسىنىڭ ءتوراعاسى - ك س ر و حالىق ءارتىسى، مەملەكەتتىك سىيلىقتىڭ لاۋرەاتى بيبىگۇل تولەگەنوۆا.
«شاتتىق» حالىقارالىق بالالار شىعارماشىلىعى فەستيۆالى وسى جىلدارى ەلىمىزدىڭ مادەني ومىرىندە ءوز ورنىن تابا الدى. «شاتتىق» لاۋرەاتى اتاعى جاس دارىنداردىڭ شىعارماشىلىقتاعى جولىن اشادى.
