قىتايدا الاپات سۋ تاسقىنى بولدى - كەسكىن

استانا. قازاقپارات - قىتايدىڭ وڭتۇستىك جانە ورتالىق اۋداندارىندا بولعان قاتتى سۋ تاسقىنىنان جۇزدەگەن ادام كوز جۇمىپ، جۇزدەگەن ادام قاۋىپسىز ورىنعا كوشىرىلدى.

گۋاڭشي، حۋنان، حۋبەي، سىچۋان جانە حىنان پروۆينتسيالارىندا بۇرىن-سوڭدى بولماعان جاۋىن-شاشىن ءتۇسىپ، ونداعان مىڭ ءۇي سۋ مەن لاي كوشكىنىنىڭ استىندا قالدى.

قىتاي بيلىگىنىڭ اقپاراتى بويىنشا، تابيعات اپاتى سالدارىنان 726000 ادام باسقا ورىنعا كوشىرىلدى. رونگ وزەنى ارناسىنان تاسىپ، 3,5 ميلليون ادام ءومىر سۇرەتىن ليۋچجوۋ وكرۋگىن سۋ شايىپ كەتتى.

حۋنان پروۆينتسياسىندا جەكسەنبىدەن دۇيسەنبىگە قاراعان ءتۇنى بولعان قاتتى جاۋىن كۇشتى لاي كوشكىنىن تۋدىرعان. حۋايحۋا قالالىق وكرۋگىندە كەمىندە ءبىر ادام كوز جۇمىپ، 3500 گەكتار اۋىل شارۋاشىلىعى جەرىن سۋ باستى.

يانتسزى وزەنى اعىپ وتەتىن حۋبەي ورتالىق پروۆينتسياسىندا بيلىك سۋ باسقان اۋماقتى تازارتىپ، وزەن جاعاسىن بەكىتۋ جۇمىستارىن جۇرگىزىپ جاتىر.