اتى اڭىزعا اينالعان اۆتوسپورتتىڭ الەمدىك جۇلدىزدارى «جىبەك جولى» حالىقارالىق راللي اياسىندا قازاقستانعا كەلەدى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە «BI Group» كومپانياسى ديرەكتورلار كەڭەسىنىڭ ءتوراعاسى، « Dakar Team Astana» راللي- رەيد بويىنشا ءبىرىنشى قازاقستاندىق كوماندانىڭ پيلوتى ايدىن راقىمبايەۆ ءمالىم ەتتى.
ونىڭ ايتۋىنشا، «جىبەك جولى» جارىسى بىرنەشە مارتە وتكىزىلىپ كەلەدى، الايدا ونىڭ اۋقىمى بيىلعىداي ەشقاشان بولعان ەمەس. «قازاقستانعا العاش رەت «داكار» جىل سايىنعى قۇرلىقارالىق راللي- مارافون بولىگى كەلگەلى جاتىر. وعان الەمنىڭ بارلىق تيتۋلدى كوماندالارى، اتاپ ايتقاندا Peugeot, Mini, Toyota سەكىلدى زاماناۋي اۆتوونەركاسىپ وكىلدەرى اتسالىسىپ، ولار قازاقستاندى باسىپ وتەدى، استاناعا دا سوعادى. ولاردىڭ اراسىندا پلانەتانىڭ ەڭ تيتۋلدى شاباندوزى سەباستيان لەبتى، الەمنىڭ 13 دۇركىن چەمپيونى ستەفان پەترانسەلدى، ەڭ تيتۋلدى « داكارلىق» سيريل دەپرەنى جانە باسقالارىن اتۋعا بولادى. اۆتوسپورتتىڭ اتى اڭىزعا اينالعانقازىرگى جۇلدىزدارىنىڭ ءبارى ەلىمىزگە كەلەدى»، - دەدى ا. راقىمبايەۆ.
ونىڭ سوزىنە قاراعاندا، ايگىلى «داكار» جارىسىنىڭ ءوزى 9300 شاقىرىمدى قۇراسا، « جىبەك جولى» - «شەلكوۆىي پۋت» رالليى 10800 شاقىرىمنان اسادى. ال راللي- مارافوننىڭ اشىلۋىنا رەسەي، قازاقستان مەن قىتاي باسشىلارى قاتىسادى دەپ كۇتىلەدى. سونىمەن قاتار، قازاقستانعا وسى ايگىلى دودانى ءتۇسىرۋ ءۇشىن شىلدەنىڭ 12- سىندە «Eurosport» پەن « CNN» تەلەارنالارىنىڭ ءتۇسىرۋ توپتارى دا كەلەدى.
قازاقستان اۋماعىندا «جىبەك جولى» رالليى 15 كەزەڭىنىڭ 4 ەۋى وتپەك. قاتىسۋشىلار ەلىمىزدىڭ 3 مىڭ شاقىرىمىن باسىپ وتەتىن بولادى.
راللي مارەسى 8-شىلدە كۇنى ماسكەۋدىڭ قىزىل الاڭىندا اشىلىپ، شاباندوزدار ول جەردەن قازانعا قاراي بەت الادى. ودان كەيىن ەكيپاجدار ۋفاعا، باشقۇرتستانعا، سوسىن قازاقستانعا وتەدى.
«قازاقستان اۋماعىنا شىلدەنىڭ 11 ىنە كىرگەننەن سوڭ كوماندالار قوستانايعا سوعادى، استاناعا كەلىپ، كەيىننەن بالقاشتا تۇنەيتىن بولادى. 14 -شىلدەدە ولار الماتىعا جەتىپ، سوندا تىنىعادى. ال 16 -شىلدەدە قازاقستان شەكاراسىنان ءوتىپ، تيان-شان جوتالارى ارقىلى قىتايعا وتەدى. سوڭعى كەزەڭدەردە قىتايدىڭ كونە جىبەك جولى وازيستەرىن ارالاي وتىرىپ، دۋنحۋان مەن جيايۋيگۋانعا، الاشان-يۋتسي قۇمدارىنان اسادى. سوڭعى 15 ى كەزەڭدە شىلدەنىڭ 24 سولتۇستىك قىتايدىڭ حۋح-حوتو ايماعىنا جەتەدى»، - دەدى ا. راقىمبايەۆ.
اۆتور: قانات مامەتقازى ۇلى
