استانالىق پاركتەردە ەكسپو مەملەكەتتەرى كورسەتىلەدى - فوتو

Astana Park Land فەستيۆالى اياسىندا «جەرۇيىق»، «اراي» جانە «استانالىق» پاركتەردە بارشا الەمدە ەكسپو كورمەسىن وتكىزۋدىڭ تاريحىمەن تانىسۋعا بولادى، دەپ حابارلايدى قالالىق اكىمدىكتىڭ باسپا ءسوز قىزمەتى.

كوك، قىزعىلت- سارى جانە جاسىل - Astana Park Land فەستيۆالىنىڭ تۇستەرى. پاركتەردىڭ ءارقايسىسى قۇرلىقتارعا بولىنگەن. «استانالىق» پاركتە حالىقارالىق كورمەنى وتكىزگەن ەۋروپا مەن اۆستراليا مەملەكەتتەرى كورسەتىلەدى. قىزعىلت- سارى تۇسكە بويالاتىن «جەرۇيىق» پاركىندە ازيا ەلدەرى: جاپونيا، كورەيا، قىتاي جانە قازاقستان بولادى. ال جاسىل تۇسپەن بەزەندىرىلەتىن «اراي» پاركىندە سولتۇستىك جانە وڭتۇستىك امەريكا ورنالاسادى، مۇندا ەكسپو كورمەسىن وتكىزگەن ا ق ش، كانادا جانە برازيليا مەملەكەتتەرىنىڭ تاريحى باياندالادى.

«ءبىز حالقىمىزدىڭ ەكسپو كورمەسىنىڭ تاريحىمەن تانىسقانىن قالايمىز. بيىل قالالىق پاركتەر فەستيۆالىن وتكىزۋدىڭ ماقساتى ەلوردا تۇرعىندارى مەن قوناقتارىن استانادا وتەتىن ەكسپو-2017 كورمەسى تۋرالى اقپاراتتاندىرۋ بولىپ تابىلادى»، - دەيدى Astana Park Land فەستيۆالىنىڭ اكىمشىسى ءاليا.

پاركتەردە قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان دەكوراتسيالار دا قويىلادى. مۇندا سۋرەتكە ءتۇسىپ، كونتسەرتتىك باعدارلاما تاماشالاۋعا، ۇلتتىق تاعامداردان ءدام تاتۋعا بولادى. فەستيۆال شىلدەنىڭ 4 ى مەن 6 سى ارالىعىندا وتەدى.