پۋتينگە جيناعان اقشاسىن جىبەرگەن بالاعا سىي جاسالدى
ر ي ا «نوۆوستي» اگەنتتىگىنىڭ اقپارىنشا، بۇعان كىشكەنتاي ينگۋش بالاسىنىڭ ۆلاديمير پۋتيننىڭ «تىكەلەي ەفير» حابارىنداعى حالىققا ارناعان ءسوزىن ەستىگەننەن كەيىن وعان ءوزى جيناپ جۇرگەن 3 مىڭ رۋبل اقشاسىن سالىپ جىبەرگەنى سەبەپ بولىپتى.
حاباردى كورىپ وتىرعان مەكتەپ وقۋشىسى رەسەي پرەزيدەنتىنە حات جازىپ جىبەرۋگە شەشىم قابىلدايدى. ول حاتتىڭ ىشىنە ءوزى جيناپ جۇرگەن اقشانى قوسا سالادى.
«يسلام ەلدەگى داعدارىستى شەشۋگە وسىلايشا كومەكتەسكىسى كەلگەن»، - دەپ ءتۇسىندىردى اكىمشىلىكتەگىلەر.
وقۋشىنىڭ پرەزيدەنتكە سالىپ جىبەرگەن اقشاسى ونىڭ وزىنە مەملەكەت باسشىسىنىڭ ينگۋشەتياداعى قوعامدىق قابىلداۋ بولمەسىندە قايتارىپ بەرىلگەن. يسلام سونداي-اق پۋتيننىڭ قولتاڭباسىن قويىپ، ارنايى جىبەرگەن پورترەتىن العان.
بۇلاردان بولەك، بالاعا پلانشەت پەن ۆەلوسيپەد تارتۋ ەتىلىپتى.
تالعات رايىمبەك
«ەگەمەن»
