ب ۇ ۇ قاۋىپسىزدىك كەڭەسى قىزمەتىنە بەلسەندى قاتىسۋ قازاقستاننىڭ حالىقارالىق بەدەلىن مۇنان دا جوعارى كوتەرەدى - قازاقستاننىڭ ازاماتتىق اليانسى
بۇل جايىندا قازاقستاننىڭ ازاماتتىق اليانسىنىڭ ەلىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىنا وراي تاراتقان مالىمدەسىندە ايتىلعان.
«قازاقستاننىڭ ازاماتتىق اليانسى مەملەكەت باسشىسى نۇرسۇلتان ءابىش ۇلى نازاربايەۆتى جانە بارشا قازاقستاندىقتاردى ەلىمىزدىڭ بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتايدى. بۇل، ەڭ الدىمەن، يادرولىق ارسەنالدان باس تارتۋ تۋرالى شەشىم قابىلداپ، الەم كوشباسشىلارى ىشىندە ءبىرىنشى بولىپ ساياسي ەرىك- جىگەر تانىتقان قازاقستان پرەزيدەنتىنىڭ جوعارى حالىقارالىق بەدەلىنىڭ جارقىن دالەلى»، - دەلىنگەن مالىمدەمەدە.
سونداي-اق تاراتىلعان اقپاراتتا بۇل شەشىمنىڭ قازاقستان تاۋەلسىزدىگىنىڭ 25 جىلدىق مەرەيتويى قارساڭىندا قابىلدانۋىنىڭ نىشاندىق ءمانى بار ەكەندىگى اتالىپ ءوتىلىپ، وسى جىلدار ىشىندە ەلىمىز تەڭگەرىمدى ىشكى جانە سىرتقى ساياسات جۇرگىزىپ كەلە جاتقاندىعىنا، حالىقارالىق قوعامداستىقتا زور قۇرمەتكە يە بولعاندىعىنا باسا نازار اۋدارىلعان.
«ءبىزدىڭ ەلىمىزدىڭ بۇۇ قاۋىپسىزدىك كەڭەسى قىزمەتىنە بەلسەندى قاتىسۋى ەلىمىزدىڭ حالىقارالىق بەدەلىن مۇنان دا جوعارى كوتەرەتىندىگىنە جانە قازاقستان الدىندا قاۋىپسىزدىكتىڭ جاھاندىق كۇنتىزبەسىن قالىپتاستىرۋ مۇمكىندىگىن كەڭەيتۋگە جول اشاتىندىعىنا سەنىمدىمىز»، - دەيدى قازاقستاننىڭ ازاماتتىق اليانسى.
اۆتور: مارلان جيەمباي
