ا ق ش- تاعى قورلار مالىمەتتەرىنە وراي مۇناي باعاسى بەلسەندى وسۋدە

استانا. قازاقپارات - ا ق ش ەنەرگەتيكا مينيسترلىگىنىڭ ەلدەگى «قارا التىننىڭ» اپتالىق قورى جونىندەگى ستاتيستيكالىق مالىمەتتەرى شىققان بويدا، سارسەنبى كۇنى مۇنايدىڭ الەمدىك باعاسى ءوسۋىن جالعاستىردى، بۇعان ساۋدا- ساتتىق قورىتىندىلارى دالەل.

 ماسكەۋ ۋاقىتىمەن ساعات 19:33-تەگى جاعداي بويىنشا، سولتۇستىك تەڭىزدىك Brent ماركالى مۇناي قوسپاسىنا تامىز ايىنداعى فيۋچەرستەردىڭ قۇنى % 1,89- عا - باررەلىنە 52,41 دوللارعا دەيىن ءوستى. WTI ماركالى مۇنايدىڭ شىلدە ايىنا فيۋچەرستەرىنىڭ باعاسى % 1,61- عا - باررەلىنە 51,17 دوللارعا كوتەرىلدى، دەپ جازادى ر ي ا نوۆوستي.

ا ق ش- تا مۇنايدىڭ كوممەرتسيالىق باعاسى (ستراتەگيالىق رەزەرۆتەردى الىپ تاستاعاندا) 3 - ماۋسىمدا اياقتالعان اپتا ىشىندە 3,2 ميلليون باررەلگە تومەندەدى، نەمەسە % 0,6- عا - 532,5 ميلليون باررەلگە ازايدى. تالداماشىلار اپتا ىشىندە قورلار 2,74 ميلليون باررەلگە - 532,96 ميلليون باررەلگە دەيىن ازايادى دەپ پايىمداعان بولاتىن.

 ەلدەگى ءىرى كۋشينگ تەرمينالىندا مۇناي قورى 1,3 ميلليون باررەلگە دەيىن ازايدى. ال بەنزين قورلارى ا ق ش- تا 1 ميلليون باررەلگە دەيىن ۇلعايدى.

«بەنزين قورىنىڭ ءوسۋى توسىن جاعداي بولدى، ويتكەنى ونى تۇتىنۋ ماۋسىمى باستالعان بولاتىن»، - دەپ تۇسىندىرمە جاسادى رەيتەر اگەنتتىگىنە نيۋ- يوركتەگى Tyche Capital Advisors باسقارۋشى ارىپتەسى تاريحك زاحير.