چەحيا ماشينا جاساۋ كونسەرندەرى قازاقستانمەن ىنتىماقتاستىققا قىزىعۋشىلىق بىلدىرەدى

استانا. قازاقپارات - چەحيانىڭ وستراۆا قالاسىندا «ەۋرازيالىق ەكونوميكالىق وداق ەلدەرىمەن سىرتقى ەكونوميكالىق بايلانىس» اتتى تاقىرىپتاعى حالىقارالىق كونفەرەنسيا ءوتتى.

وعان قازاقستاننىڭ چەحياداعى ەلشىسى سەرجان ابدىكارىموۆ، ءماجىلىس دەپۋتاتى، قازاقستان ماشينا جاساۋشىلار وداعىنىڭ ءتوراعاسى مەيرام پىشەمبايەۆ قاتىستى. بۇل تۋرالى ءسىم باسپا ءسوز قىزمەتىنەن حابارلاندى.

جيىن بارىسىندا ءسوز سويلەگەن ەلشى ە ا ە و ەلدەرىنە ءتوراعالىق ەتۋشى رەتىندەگى قازاقستاننىڭ قىزمەتى جايىندا باياندادى. سونىمەن قاتار، س. ابدىكارىموۆ ەۋرازيالىق ەكونوميكالىق وداقتىڭ ءۇشىنشى ەلدەرمەن جانە ەۋروپا وداعى سەكىلدى نەگىزگى ينتەگراتسيالىق بىرلەستىكتەرمەن ەكونوميكالىق قاتىناستاردى تەرەڭدەتۋ تۋرالى ق ر پرەزيدەنتى ن. نازاربايەۆتىڭ باستامالارى تۋرالى ايتىپ بەردى.

ال ءماجىلىس دەپۋتاتى مەيرام پىشەمبايەۆ ءىرى چەح بيزنەسى وكىلدەرىنىڭ الدىندا قازاقستاننىڭ ماشينا جاساۋ سالاسىن دامىتۋ پەرسپەكتيۆالارى تۋرالى بايانداما جاساپ، ەلىمىزدەگى بيزنەس جۇرگىزۋ شارتتارى، ينۆەستيتسيالىق كليمات پەن قازاقستاننىڭ ونەركاسىپتىك- ەكونوميكالىق الەۋەتىن ءسوز ەتتى. سونىمەن قاتار، ول چەحيا ىسكەر توپتارىن قازاقستانمەن بەلسەندى ىنتىماقتاستىققا شاقىرىپ، «نۇرلى جول» باعدارلاماسىن جۇزەگە اسىرۋ اياسىندا «نوۋ- حاۋ» مەن جاڭا تەحنولوگيالار تارتۋعا ەلىمىزدىڭ مۇددەلى بولىپ وتىرعانىن جەتكىزدى. ء«بىز چەحيا تاراپىن 2017 -جىلى استانادا وتەتىن «ەكسپو-2017» حالىقارالىق مامانداندىرىلعان كورمەسىنە بەلسەندى تۇردە قاتىسادى دەپ سەنەمىز. سونىمەن قاتار، چەحيا ماشينا جاساۋ كونتسەرندەرىن 2016 -جىلدىڭ 16 -قىركۇيەگىندە استانادا وتەتىن قازاقستاننىڭ ماشينا جاساۋشىلار فورۋمىنا قاتىسۋعا شاقىرامىن»، - دەدى م. پىشەمبايەۆ.

ءوز كەزەگىندە چەحيا بيزنەس- قاۋىمداستىعى بۇگىنگى بايلانىستار اۋقىمىن كەڭەيتۋگە ءازىر ەكەندىكتەرىن، قازاقستانمەن جاڭا ەكونوميكالىق قارىم- قاتىناستار ورناتۋعا قىزىعۋشىلىق تانىتاتىندىقتارىن جەتكىزدى.

اۆتور: قانات مامەتقازى ۇلى