كەنيادا ءبىر مايمىل بۇكىل ەلدى جارىقسىز قالدىردى
وقيعا 7 -ماۋسىم كۇنى جەرگىلىكتى ۋاقىت بويىنشا ءتۇن ورتاسىندا بولعان، مايمىل سۋ ەلەكتر ستانساسىنداعى ترانسفورماتوردىڭ ۇستىنە قۇلاپ تۇسكەن. بۇل تۋرالى newsru.com حابارلادى.
س ە س- ىن باسقاراتىن KenGen كومپانياسىنىڭ وكىلدەرى اقاۋدى جويىپ، ودان كەيىن وقيعانىڭ ءمان- جايىن ءتۇسىندىرىپ، باسپا ءسوز پاراقشاسىن تاراتتى. باعاناعا ورمەلەپ قەرنەۋ ترانسفورماتورىنىڭ ىشىنە قۇلاپ، ەلەكتر قۋاتىنىڭ تۇيىقتالۋىنا سەبەپشى مايمىل ەلدى 180 مۆت- تان استام ەلەكتر قۋاتىنسىز قالدىرعان.
KenGen كومپانياسىنىڭ حابارلاۋىنشا، ەلەكتر ستانساسى جابايى جانۋارلار كىرىپ كەتۋىنەن قورعالعان قورشاۋى بار ەكەندىگى ايتىلىپ، الايدا سوڭعى وقيعا سەكىلدى ءبىرلى- جارىمدى كەلەڭسىزدىككە قىنجىلىس بىلدىرگەن. وقيعاعا كىنالى مايمىل ءتىرى قالىپتى، ونى كەنيانىڭ جابايى جانۋارلاردى قورعاۋمەن اينالىساتىن KWS ۇيىمىنىڭ وكىلدەرى الىپ كەتكەن.
