عالىمدار: الەۋمەتتىك جەلىلەر جاس انالاردىڭ پسيحيكاسىنا كەرى اسەرىن تيگىزەدى

استانا. قازاقپارات - ساراپشىلار الەۋمەتتىك جەلىلەردىڭ ادامداردىڭ پسيحيكاسىنا كەرى اسەرىن تيگىزەتىتى تۋرالى تالاي رەت ايتقان.

عالىمدار جاس زەرتتەۋ جۇرگىزىپ، وعان جاس انالاردى دا قاتىستىردى.

ا ق ش- تىڭ وگايو شتاتىنىڭ ماماندارى دۇنيەگە جاڭا عانا بالا اكەلگەن ايەلدەردىڭ الەۋمەتتىك جەلىلەردەگى 128 پاراقشاسىن تەكسەردى.

جاس انالاردىڭ 100 پايىزى جەلىگە نارەستەلەرىنىڭ فوتوسۋرەتتەرىن سالىپ، ولارعا تۇسىنىكتەمەلەر مەن لۇپىلدەردى كۇتەتىنى انىقتالدى.

الايدا، فوتو ايەل كۇتكەندەي باعالانباسا، بۇل ونىڭ ەموتسيونالدىق جاعدايىنا كەرى اسەرىن تيگىزەدى.

وسىلايشا، كەيبىر انالار «لۇپىلدەر» مەن تۇسىنىكتەمەلەرگە تاۋەلدى بولىپ قالادى.

بۇدان باسقا، ماماپدار الەۋمەتتىك جەلىلەردە كوپ ۋاقىتىن وتكىزىپ، وزدەرىن بالا تاربيەلەۋدە ناعىز مامان ەسەپتەيتىن انالار توبىن ءبولىپ ءوتتى. بۇل ءۇشىن ولار پاراقشالارى مەن تاقىرىپتىق توپتاردا ساعاتتاپ «وتىرىپ»، بالا تاربيەلەۋ بويىنشا ءسوز تالاستىرادى.

جاس انالاردىڭ جەلىنىڭ باسقا پايدالانۋشىلارمەن تىم ەموتسيونالدىق قاتىناسى بالا تۋۋدان كەيىنگى دەپرەسسيانى اۋىرلاتىپ، پسيحولوگيالىق اۋىتقۋلارعا اكەلىپ سوقتىرۋى ابدەن مۇمكىن، دەپ سانايدى عالىمدار.