ۇ ق ك: ت. تولەشيەۆ جەر رەفورماسىنا قارسى نارازىلىق اكسيالارىن قارجىلاندىردى

 استانا. قازاقپارات - ءىرى كاسىپكەر توقتار تولەشيەۆ «جەر رەفورماسى» دەپ اتالاتىن قارسى نارازىلىق اكسيالارىن قارجىلاندىردى.

بۇل تۋرالى بۇگىن ق ر باس پروكۋراتۋراسىندا وتكەن بريفينگتە ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ وكىلى رۋسلان كاراسيەۆ ءمالىم ەتتى.

«اتىراۋ، استانا، الماتى، ورال، قىزىلوردا قالالارىندا «جەر رەفورماسى» دەپ اتالاتىن قارسى نارازىلىق اكسيالارى تولەشيەۆ مىرزامەن وتكەن جىلدىڭ جەلتوقسانىندا دايىندالىپ، ونىمەن قارجىلاندىرىلعاندىعى تۋرالى دالەلدەر الىندى. اتالعان نارازىلىق اكسيالارى بۇدان دا ەرتەرەك وتكىزىلۋىنە قاتىستى ناقتى انىقتالعان. ءبىراق، تولەشيەۆتىڭ تۇتقىندالۋىنا بايلانىستى اكسيانى وتكىزۋ ۋاقىتتارى تىكەلەي ۇيىمداستىرۋشىلارمەن وزگەرتىلگەن. قازىرگى تاڭدا ولاردىڭ كەيبىرى قۇرىقتالعان»، - دەدى ر. كاراسيەۆ.

 ونىڭ سوزىنە قاراعاندا، تەرگەۋ ورگاندارىمەن قازاقستاننىڭ باسقا وڭىرلەرىندە دە ۇيىمداستىرعان نارازىلىق اكسيالارىن قارجىلاندىرۋ فاكتىلەرى قارالۋدا. تولەشيەۆ تەرگەۋ يزولياتورىندا بولا وتىرىپ، ەلدەگى قالىپتاسقان جاعدايدى پايدالانىپ، 2016 -جىلدىڭ مامىرىندا وڭتۇستىك قازاقستان وبلىسى سارىاعاش قالاسىندا جاپپاي تارتىپسىزدىكتى ۇيىمداستىرۋعا ارەكەتتەگەن.

«ءوزىنىڭ جوسپارلارىن ىسكە اسىرۋ ماقساتىندا تولەشيەۆ قۇقىق قورعاۋ ورگاندارىنىڭ بۇرىنعى جانە ارەكەت ەتۋشى جوعارى لاۋىزىمدى تۇلعالارىن، سونداي- اق ەلىمىزدىڭ قارۋلى كۇشتەرى بولىمدەرى كەيبىر باسشىلارى قاتارىنان ماقساتتى تۇردە ءوزىنىڭ جاقتاستارىن ىزدەستىرگەن. تولەشيەۆ ءوزىنىڭ قىلمىستىق ارەكەتتەرىن ىسكە اسىرۋ ماقساتىندا پايدالانۋعا جوسپارلانعان جاسىرىن ورىندارداعى ەداۋىر قارۋ- جاراق، وق- دارىلەر مەن جارىلعىش زاتتاردى ۇلتتىق قاۋىپسىزدىك ورگاندارى تاركىلەدى»، - دەدى ر. كاراسيەۆ.

اۆتور: رۋسلان عابباسوۆ