توقتار تولەشيەۆ بيلىكتى كۇشپەن باسىپ الۋعا دايىندىق جۇمىستارىن جۇرگىزدى - ۇلتتىق قاۋىپسىزدىك كوميتەتى

استانا. قازاقپارات - قاماۋعا الىنعان ءىرى كاسىپكەر توقتار تولەشيەۆ بيلىكتى كۇشپەن باسىپ الۋعا دايىندىق جۇمىستارىن جۇرگىزدى.

 بۇل تۋرالى بۇگىن ق ر باس پروكۋراتۋراسىندا وتكەن بريفينگتە ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ وكىلى رۋسلان كاراسيەۆ ءمالىم ەتتى.

«تەرگەۋدە تولەشيەۆتىڭ بۇرىن بيلىكتى كۇشپەن باسىپ الۋعا دايىندىق جۇمىستارىن جۇرگىزگەندىگى، ال وتكەن جىلدان بەرى بەلسەندى ناقتى ارەكەتتەر قولدانعاندىعى جونىندە تولىق مالىمەتتەر الىنعان. ونىڭ ارەكەت جوسپارىندا قاۋىرتتىلىق وشاقتارىن قۇرۋ ارقىلى ەلدەگى جاعدايدى تۇراقسىزداندىرۋ، نارازىلىق اكسيالارىن جانە جاپپاي تارتىپسىزدىكتەردى ۇيىمداستىرۋ، ونىڭ اياسىندا بالاما ۇكىمەتتى قالىپتاستىرۋدى جوسپارلاۋ جانە ارەكەت ەتۋشى بيلىك قۇرىلىمىن وزگەرتۋ قاراستىرىلعان»، - دەدى ر. كاراسيەۆ.

اۆتور: رۋسلان عابباسوۆ