استانادا حالىقارالىق قارۋ- جاراق پەن اسكەري- تەحنيكالىق مۇلىك كورمەسى اياقتالدى - فوتو
اۆياتسيالىق بازادا تۋ ءتۇسىرىلدى، بۇل «KADEX-2016» كورمەسىنىڭ جابىلۋىن بىلدىرەدى، دەپ حابارلادى ق ر ق م باسپا ءسوز قىزمەتى.
مىڭداعان كەلۋشىلەر، ونداعان قول قويىلعان كەلىسىمدەر، اشىق جانە جابىق الاڭداردا ۇسىنىلعان اسكەري تەحنيكانىڭ جۇزدەگەن ۇلگىلەرى، قازاقستاندىق جانە شەتەلدىك فوتوتىلشىلەرمەن تۇسىرىلگەن مىڭداعان ءتۇسىرىلىم. مۇنىڭ بارلىعى «KADEX-2016» كورمەسى تۋرالى ادامداردىڭ ەسىڭدە ۇزاققا دەيىن ساقتالادى.
4 كۇن ىشىندە قازاقستاندىق جانە شەتەلدىك قورعانىس- ونەركاسىبى كەشەنىنىڭ كۇش- قۋاتى كورسەتىلدى. اتاپ ايتقاندا، ZLIN وقۋ ۇشاقتارى، C-295 جەڭىل كولىك ۇشاقتارى، س ۋ-30 س م جويعىشتارى، م ي-171ش تىكۇشاقتارى، ۇشقىشسىز ۇشۋ اپپاراتتارى، «ارلان» ، «بارىس» بروندالعان ماشينالارى، جاڭعىرتىلعان تانكتەر - وسىنىڭ بارلىعىن جانە كوپتەگەن وزگە دە قىزىقتاردى ستاتيكا مەن ءىس- قيمىلدا كورۋگە مۇمكىندىك بولدى.
ودان باسقا، كورمەنىڭ ماڭىزدى قۇرامداسى ىسكەرلىك باعدارلاما، ياكي، حالىقارالىق اسكەري عىلىمي- تەحنيكالىق كونفەرەنتسيا، تۇساۋكەسەرلەر، دوڭگەلەك ۇستەلدەر بولدى. دەمونستراتسيالىق جانە ىسكەرلىك باعدارلامالار نەگىزگى مىندەتكە قول جەتكىزۋگە، ياعني، قورعانىس- ونەركاسىبى كەشەنىن قارقىندى دامىتۋعا، ينۆەستيتسيالاردى تارتۋعا، جەتەكشى حالىقارالىق وندىرۋشىلەرمەن اسكەري- تەحنيكالىق ىنتىماقتاستىقتى نىعايتۋعا باعىتتالدى.
اشىق ەسىك كۇندەرى، ياعني، 4-5 - ماۋسىمدا كورمەگە ادامدار كوپتەپ شوعىرلاندى. قازاقستان مەن وزگە ەلدەردىڭ قورعانىس- ونەركاسىبىنىڭ الەۋەتىن كورۋ ءۇشىن قوناقتار بۇكىل وتباسى بولىپ جينالدى.
ەگەر ەرەسەكتەر ەكسپوناتتاردىڭ تەحنيكالىق سيپاتتامالارىن زەردەلەپ، قويىلعان ۇلگىلەردى سالىستىرسا، بالالار ەمىن- ەركىن تانكتەردىڭ، برونيەۆيكتەردىڭ، ۇشاقتار مەن تىكۇشاقتاردىڭ شىنايى ءتۇپتۇلعالارىن تاماشالاپ، راحاتقا بولەندى.
كورمەنى تاماشالاۋعا نيەت بىلدىرگەندەردىڭ بارلىعى كورمەگە اۆتوبۋسپەن كەلۋگە مۇمكىندىكتەرى بولدى. كەلۋشىلەردىڭ قولجەتىمدى باعاعا تىسكە باسار الىپ، الدەنىپ الۋلارى ءۇشىن بۋفەت جانە ساۋدا دۇڭگىرشەكتەرى جۇمىس جاسادى. كورمە قوناقتارى ءۇشىن ورتالىق اسكەري وركەستردىڭ مۋزىكانتتارى پلاتس- كونسەرت قويىپ، قۇرمەت قاراۋىلى روتاسى ءوز ونەرلەرىن ورتاعا سالدى.
ءىس- شارانىڭ اۋقىمدىلىعى بروندى تانكتى تەحنيكا، مەيلى، قارۋ- جاراقتىڭ وزگە دە تۇرلەرى بولسىن، ولاردىڭ پايدالانۋ عانا ەمەس، سونىمەن بىرگە جاۋىنگەرلىك قاسيەتتەرىن كورسەتۋگە مۇمكىندىك بەردى.
