اتىڭ شىقپاسا جەر ورتە: پيار جاسايمىز دەپ باسى داۋعا قالعان انشىلەر ءوز ارەكەتتەرىن ءتۇسىندىردى - كەسكىن
سول ارقىلى تانىمالدىعىمىز ارتادى دەپ ويلايتىنداي. جاقىندا ءانشى قاراقات ءابىلدينا جۇبايى قىدىرالى بولمانوۆتىڭ تۋعان كۇنىنە «ەكىنشى ايەل» سىيلايتىنىن ايتقان بولاتىن.
الايدا، ءانشىنىڭ بۇل جازباسى جەلىدە ۇلكەن تالقىعا تۇسكەن ەدى. ءتىپتى، ساحناداعى ارىپتەستەرى دە قاراقاتتىڭ بۇل ارەكەتىن تۇسىنبەي قالىپتى.
بۇل تۋرالى 31 ارنا جازدى.
الايدا، ءانشى ارتىنان ويلانىپ، جۇبايىنا توقال الىپ بەرۋ نيەتىنىڭ بولماعانىن، تەك ريزاشىلىعىن وسىلايشا بىلدىرگىسى كەلگەنىن ايتتى. دەگەنمەن، ونىڭ پيار ءۇشىن جاسالعانىن جاسىرمايدى.
ال، قىدىرالى بولسا، ءوزىنىڭ جاۋابىن ءوزى تۋرالى جازىپ جاتقان كىتابىندا بىلدىرمەك. پروديۋسەر ەكىنشى ايەل ماسەلەسىن سول تۋىندىسىندا اعىنان جارىلىپ ايتپاق.
«نەدەن شىققان اڭگىمە ەكەنىن كەڭىنەن بىلگىڭىز كەلسە مەنىڭ كىتابىمنان وقىپ الاسىزدار. ءبىر، ەكى اي كولەمىندە ول كىتاپ جارىق كورەدى. وندا كوپ نارسە ايتىلعان»، - دەيدى پروديۋسەر قىدىرالى بولمانوۆ.
«اتىڭ شىقپاسا جەر ورتە». بۇل رەپەر م س سايلاۋبەككە قاراتا ايتىلسا كەرەك. وتكەن اپتادا رەپەرگە بەلگىسىز بىرەۋلەر وق اتىپ، مس سايلاۋبەك اۋىر حالدە اۋرۋحاناعا ءتۇستى دەگەن سۋىت حابار كوپشىلىكتى بەيجاي قالدىرمادى. الايدا، بۇل اقپارات جالعان بولىپ شىقتى.
اڭداماي جاسالعان جارناما مس سايلاۋبەكتىڭ ەكى بىردەي پروديۋسەرىنە وڭاي تيمەي تۇر. سەبەبى، جالعان اقپارات تاراتىپ، كوپشىلىكتى شۋلاتقانى ءۇشىن ولاردىڭ ۇستىنەن قىلمىستىق ءىس قوزعالعان.
«ءيا، قىلمىستىق ءىس قوزعالدى. 293 باپ بويىنشا، بۇزاقىلىق»، - دەدى ءى ءى د باسپا ءسوز حاتشىسى سالتانات ازىربەك.
وسىلايشا، ويىننان وت شىققان بۇل كادرلەر رەپەردىڭ ءتۇسىرىلىپ جاتقان «ومىرگە ورالۋ» اتتى فيلمىنەن ءۇزىندى بولىپ شىقتى.
«ومىرىندە ءبىراز تاياق جەدى، 20 ادام جابىلعان، سونداي پەرەلومنىي مومەنتتەر بولعان. نەگىزى سونى كورسەتكىلەرىڭىز كەلدى مە؟ نەگىزى ول ستسەنارييدە بار، بۇكىل ومىرىندەگى وقيعاسى، بىلتىردان باستاپ ءتۇسىرىلىم جاسادىق»، - م س سايلاۋبەكتىڭ پروديۋسەرى باقىتجان جۇنىسبەكوۆ.
شوۋ- بيزنەس جۇلدىزدارى ۇنەمى ەلدىڭ نازارىندا جۇرگەندى قالايدى. سوندىقتان دا، ءسال ەلەنبەي قالسا ءتۇرلى جارناما تاسىلدەرىنە جۇگىنەتىندەرى بار.
ال، ديزاينەر جادو جاقىندا وتكەن تۋعان كۇن مەرەكەسىندە اق بوز اتتى يەلەندى.
جادونىڭ مال شاراۋشىلىعىمەن اينالىساتىنىن ءبىرى بىلسە، ءبىرى بىلمەس. ءانشى سەرىكبول سايلاۋبەك تە تۋعان كۇنىندە قىمبات كولىك مىنگەنى بەلگىلى.
شوۋ- بيزنەستە جۇرگەندەردىڭ قۇلاعىمىزعا سىبىرلاپ ايتقان اڭگىمەلەرىنە قاراعاندا، كەيدە بۇنداي قىمبات ءارى تاڭ قالدىرارلىق سىيلىقتاردى ونەر يەلەرى وزدەرىنە وزدەرى جاسايدى. بۇنداي امالدار دا ات شىعارۋدىڭ ءبىر ءتۇرى دەيدى.
ال، شانشار تەاترىنان تانىمال بولعان اكتريسا جۇلدىزاي دۇيسەنبييەۆا ساحنالىق ارىپتەسى نۇرجان تولەندىگە كوپ جاعدايدا ادىلەتسىز كۇيە جاعىلاتىن دەپ ەسەپتەيدى.
ءانشى، سازگەر مارات وماروۆ اتاق پەن داڭققا يە بولۋ ءۇشىن ءوزىن-ءوزى جارنامالاپ، شۋ جاسايتىن ارىپتەستەرىن ءبىراز سىناپ تاستادى.
ءانشى بۇگىندە ون جاسار قىزى ءبيبىماريام وماروۆاعا كونسەرت ۇيىمداستىرىپ، حالىققا تانىستىرىپ ءجۇر. قىزى حالىقارالىق بىرنەشە بايقاۋلاردىڭ جەڭىمپازى اتانعان. حالىقتى الداپ ەمەس، ادال ەڭبەگىمەن تانىلسىن دەيدى. جۇلدىزداردىڭ وسى جانە وزگە دە جاڭالىقتارىن كەلەسى باعدارلامادان تاماشالاي الاسىزدار.
