قازاقستاندىق اسكەري تەحنيكالار مالايزياعا جونەلتىلمەك
ەندى الداعى ۋاقىتتا 5 ميلليارد تەڭگەنىڭ كەلىسىمشارتىنا قول قويىلىپ، جاقىن ارادا قارجىلاندىرۋ باستالماق.
جاڭعىرتۋدان وتكەن اسكەري جانە ازاماتتىق سالاعا ارنالعان تەحنيكالار بۇگىندە الەمنىڭ كوپتەگەن مەملەكەتىنىڭ قىزىعۋشىلىعىن تۋعىزىپ وتىر. بروندالعان تەحنيكالاردى جوندەۋمەن اينالىساتىن كاسىپورىن حالىقارالىق КADEX-2016 كورمەسىندە تاعى بىرنەشە ەلمەن كەلىسىمشارت جاساۋدى كوزدەپ وتىر. زاۋىتتا قازىر 700-گە جۋىق ادام ەڭبەك ەتەدى. جاڭا جوبالار جۇمىس ورىندارىن 2 ەسەگە ارتتىرۋعا ىقپال ەتپەك.
تولەگەن دانياروۆ، «سەمەي ينجينيرينگ» اق باس ديرەكتورىنىڭ ورىنباسارى:
- بولگاريا مودەرنيزاتسيا بويىنشا بىزدەن تەحنيكا الماقشى. ولارمەن تاعى كەزدەسەمىز، مۇمكىن كەلىسىمشارتقا وتىراتىن شىعارمىز. تاجىكتەر تەحنيكا، اسكەري تەحنيكانىڭ سايماندارىن الماقشى. بۇكىل ورتالىق ازيادا ءبىزدىڭ زاۋىتتىڭ بالاماسى جوق.
www.24.kz
