قازاقستاندىق ب ا ق دەلەگاتسياسى قىتايدا شينجاڭدىق ارىپتەستەرىنىڭ جۇمىسىمەن تانىستى - فوتو رەپورتاج

ءۇرىمجى. قازاقپارات - قازاقستاندىق ب ا ق دەلەگاتسياسى ق ح ر شينجاڭ- ۇيعىر اۆتونومدى ولكەسىنە ساپارلاپ، ۇرىمجىدە شينجاڭدىق ارىپتەستەرىنىڭ جۇمىسىمەن تانىستى.

شينجاڭدىق مەملەكەتتىك تەلەارنادا  200 ادام جۇمىس ىستەيدى، ونىڭ 29 ى - قازاق رەداكسياسىندا. شينجاڭدىق تەلەارنا رەسپۋبليكاعا جەر سەرىگى ارقىلى حابار تاراتادى.

قازاق رەداكسياسىنىڭ جەتەكشىسى قانات ەرەجەپ ۇلىنىڭ ايتۋىنشا، شينجاڭدىق ت ۆ-دا قىتاي، ۇيعىر جانە قازاق تىلىندە حابار تاراتاتىن ارنالار جۇمىس ىستەيدى.  بۇل ولكەدە 11 ميلليون ۇيعىر جانە 1,5 ميلليون قازاق تىرشىلىك ەتەدى.

بۇل قازاق تىلىندە جاڭالىقتار جازاتىن ستۋديا. ق. ەرەجەپ ۇلىنىڭ حابارلاۋىنشا، تەلەارنا قازاقستاندىق تەلەارنالارمەن جاڭالىقتار تاراتۋ مەن تاجىريبە الماسۋدا ىنتىماقتاستىققا دايىن.

قىرعىز تىلىندە ارنا اشۋ جوسپارلانىپ وتىر.

قازاقستاندىق دەلەگاتسيا، قىتاي، ۇيعىر جانە قازاق تىلدەرىندە 5 گازەت شىعاراتىن مەملەكەتتىك باسپا ۇيىندە بولدى.

قازاق رەداكسياسىندا 70 ادام جۇمىس ىستەيدى.

قازاق رەداكسياسىنىڭ ديرەكتورى ەسىمبەك پانار ۇلىنىڭ سوزىنە قاراعاندا، جۋرناليستەر «قازاقپارات» ح ا ا - نىڭ توتە جازۋ نۇسقاسىن وقيدى جانە وزدەرىنىڭ جاڭالىقتارىنا پايدالانۋدا.

قارجىلاندىرۋدىڭ 70 پايىزى مەملەكەتتىڭ ەسەبىنەن، ال 30 پايىزىن جارنامادان تۇسكەن اقشا قۇرايدى. جۋرناليستەردىڭ جالاقىسى 4 مىڭ يۋان.