وباما قاتىسقان امەريكاندىق اۆياشوۋدا ۇشاق اپاتقا ۇشىرادى
الدىن الا مالىمەتتەرگە قاراعاندا، F-16 جويعىشىنىڭ ۇشقىشى كاتاپۋلت جاساپ ۇلگەرگەن جانە ازداپ قانا جاراقاتتانعان. وقىس وقيعا كەزىندە، ياعني ۇشاق تۇرعىن ۇيلەردىڭ تاپ ماڭىنداعى ەگىستىك دالاسىنا قۇلاعانىمەن ەشكىم زارداپ شەكپەگەن.
جويعىش ۇشاق امەريكاندىق ءا ءا ك اكادەمياسىن بىتىرگەندەردىڭ قۇرمەتىنە ارنالعان اۆياشوۋعا قاتىسقان. بۇل شاراعا وباما ارنايى كەلگەن ەدى. اپاتقا ۇشىراعان ساتتە ۇشۋ ونەرىن كورسەتكەندەر توبى نەگىزگى ءبولىمىن اياقتاپ، قۇرمەتتى اينالىم شەڭبەرىن جاساۋعا كىرىسكەن بولاتىن.
بۇل كەزدە وبامانىڭ كورتەجى اسكەري بازاعا، ا ق ش پرەزيدەنتىن كۇتىپ تۇرعان جەكە ۇشاققا بەت العان ەدى.
دەرەكتەرگە قاراعاندا، جويعىش ۇشاق وسى بازانىڭ وڭتۇستىگىنە قاراي شامامەن 25 شاقىرىمداي جەرگە قۇلاعان، دەپ حابارلايدى bbc.
اپاتتىڭ سەبەبى ايتىلماي وتىر. تەك بەلگىلى بولعانى، ول 600 مەتر بيىكتىكتەن قۇلاعان. قازىرگى ۋاقىتتا وقيعا ورنى قورشاۋعا الىندى.
