قىتايدا تابيعي قاۋىپ- قاتەردىڭ «قىزىل» دەڭگەيى جاريالاندى

استانا. قازاقپارات - قىتايدا تولاسسىز جاۋعان نوسەرگە بايلانىستى قاۋىپ-قاتەردىڭ ەڭ جوعارى دەڭگەيى جاريالاندى.

ەلدىڭ وڭتۇستىك- باتىسىندا تابيعي اپاتتان ءبىر اپتادا ونداعان مىڭ ادام زارداپ شەكتى، اۋىل شارۋاشىلىعىنا جارامدى 3 مىڭ گەكتار جەردى سۋ شايىپ، 2 مىڭداي ۇيگە زاقىم كەلگەن. «شينحۋا» اقپارات اگەنتتىگى حابارلاعانداي، قولايسىز اۋا رايىنان كەلگەن باستاپقى شىعىن 7,5 ميلليون دوللارعا جەتكەن. جاۋىن-شاشىننان ەلدىڭ ورتالىق بولىگى دە ەداۋىر زارداپ شەككەن. ونداعان ءۇي قيراپ، القاپتار شايىلىپ، كولىك ينفراقۇرىلىمى ىستەن شىقتى. اۋەجايلاردا جۇزدەن استام رەيس كەيىنگە شەگەرىلىپ، بىرنەشە مىڭداعان جولاۋشى جولىنان قالعان. جەرگىلىكتى سينوپتيكتەردىڭ بولجاۋىنشا، تولاسسىز نوسەر «ەل- نينو» تابيعي قۇبىلىسى سالدارىنان جاۋسا كەرەك.

www.24.kz