الەمدەگى ەڭ ۇزىن تەمىرجول تۋننەلى اشىلدى

استانا. قازاقپارات-  شۆەيتساريادا الەمدەگى ەڭ ۇزىن ءارى تىم تەرەڭدە ورنالاسقان تەمىرجول تۋننەلى اشىلدى. وتكەل ءالپى تاۋىنداعى سەن- گوتارد اسۋىنىڭ استىنان سالىنعان.

 تەڭدەسى جوق جەراستى جولىنىڭ ۇزىندىعى 57 شاقىرىم جانە بۇل شويىن جول تاۋلىگىنە 260 پويىز قۇرامىن وتكىزۋگە قاۋقارلى.

جەر استىندا جولاۋشىلار پويىزى ساعاتىنا 250، ال جۇك پويىزدارى 160 شاقىرىم جىلدامدىقپەن جۇيتكي الادى. تۋننەل قۇرىلىسى 20 جىل جۇرگىزىلىپ، وعان 12 ميلليارد دوللار قارجى جۇمسالعان. شۆەيتساريا بيلىگىنىڭ ايتۋىنشا، ونىڭ ىسكە قوسىلۋى ەۋروپاداعى تاۋار تاسىمالىن ەداۋىر جەڭىلدەتپەك. وعان قوسا جولاۋشىلاردىڭ قالا ارالىق جولدارعا كەتەتىن ۋاقىتى دا قىسقارادى. بۇعان دەيىن الەمدەگى ەڭ ۇزىن تەمىرجول تۋننەلى جاپونيادا بولعان. ونىڭ ۇزىندىعى - 53 شاقىرىم.

24.kz