پاريجدە ەسكى ماشينالارمەن جۇرۋگە تىيىم سالىندى
پاريج بيلىگى 1997 -جىلعا دەيىنگى شىعارىلعان ماشينالاردىڭ قالا ورتالىعىندا جۇمىس كۇندەرى جۇرۋىنە تىيىم سالدى. سونداي-اق استانانىڭ ورتالىق بولىگىندە 2000 -جىلعا دەيىنگى موتوتسيكلدەردىڭ دە كىرۋىنە بولمايدى. Le Monde باسىلىمنىڭ حابارلاۋىنشا، مۇنداي شارا پاريج ەكولوگياسىن ەداۋىر جاقسارتۋعا مۇمكىندىك بەرمەك.
قاۋلى كۇشى سالماعى 3,5 تونناعا دەيىنگى بەنزينمەن جانە ديزەلمەن جۇرەتىن جانە كوممەرتسيالىق ماشينالارعا قاتىستى. ءسويتىپ، تىيىم سالىنعان اۆتوموبيلدەر پاريج اۆتوپاركى ماشينالارىنىڭ 10 پايىزىن قۇرايدى.
جاڭا ەرەجەلەردى بۇزعان ەسكى كولىك يەلەرىنە اعىمداعى جىلى 35 ەۋرو، ال 2017 -جىلدان باستاپ 68 ەۋرو ايىپپۇل سالۋ كوزدەلگەن. قاۋلى 2016 -جىلعى 1 -شىلدەدەن كۇشىنە ەنەدى. بۇدان ءارى پاريج كوشەلەرىندەگى ماشينالاردىڭ ەكولوگياعا سايكەستىگى قاتايتىلا تۇسەتىن بولادى. ماسەلەن، 2020 -جىلدان باستاپ قالا كوشەلەرىندە شىعارىلعانىنا 9 جىلدان اسپايتىن كولىك قۇرالدارىنا عانا رۇقسات ەتىلمەك.
