ۇزاق ۋاقىت توسەك قاتىناسىنا تۇسپەگەندەر اۋىر جانە قاۋىپتى اۋرۋلارمەن اۋرۋى مۇمكىن

استانا. قازاقپارات - توسەك قاتىناسىمەن تۇراقتى تۇردە اينالىسۋ ءاربىر ادامنىڭ دەنساۋلىعىنا فيزيكالىق تۇرعىدا عانا ەمەس، سونداي- اق پسيحولوگيالىق- ەموتسيونالدىق تۇرعىدا پايداسىن تيگىزەدى.

الايدا ءبىز ءار ءتۇرلى سەرىكتەرمەن قاتىناسقا تۇسەتىن نەمەسە ەشكىممەن جاقىن قاتىناستا بولماۋدىڭ پايداسى مەن زيانىن، ايەل ادامنىڭ ۇزاق ۋاقىت بويى توسەك قاتىناسىنا تۇسپەۋدىڭ دەنساۋلىعىنا زيانىن ءسوز ەتپەكپىز.

كەيبىر ايەلدەردىڭ توسەك قاتىناسىنا بارماۋى ونىڭ ءوزى قالاعان سەرىگىن جولىقتىرماۋىنان نەمەسە دەنساۋلىعىنىڭ دۇرىس بولماۋىنان، ءتىپتى پسيحيكالىق جاراقات الۋىنان بولۋى مۇمكىن. ەگەر ايەل ۇزاق ۋاقىتقا دەيىن توسەك قاتىناسىنا تۇسپەگەن بولسا، ونىڭ سەرىگىمەن قاتىناسى سيرەك بولادى. ايەل ادام ۇنەمى وتباسى مەن بالالارىن، مانسابىن ويلايتىن بولسا، ول ءۇشىن توسەك قاتىناسى ەكىنشى ورىندا تۇرادى. كوپتەگەن ادامدار ايەل ادامنىڭ ۇزاق ۋاقىت جىنىستىق قاتىناستا بولماۋى دەنساۋلىعىنا قانشالىقتى زيان تيگىزەتىنىن ەلەستەتە دە المايدى.

ايەلدەردىڭ ۇزاق ۋاقىت توسەك قاتىناسىنا تۇسپەۋى ونىڭ تاعدىرىنا، دەنساۋلىعىنا، ءتىپتى تەمپەرامەنتىنە بايلانىستى. ايەلدەردە، اسىرەسە 30-45 جاس ارالىعىندا توسەك قاتىناسىنا دەگەن قۇشتارلىق ارتادى. وسى ارالىقتا ءجيى قاتىناسقا تۇسكەن ايەلدەر ءوزىن جاقسى سەزىنەدى. ال، وسى جاس ارالىعىندا جىنىستىق قاتىناستا تۇراقتى بولماعان ايەلدەر تەز شارشايتىن بولادى. سترەسستى جاعدايدا ءوزىن ۇستاي الماي، وزگەلەرگە قاراعاندا شارشاڭقى كورىنىپ، ەرتە قارتايا باستايدى.

مۇنداي جاعدايدا ايەلدەر اۋىر جانە قاۋىپتى اۋرۋلارمەن اۋىرىپ جاتادى. سونىڭ ىشىندە فيبروميوما دەرتىمەن اۋىرۋى مۇمكىن. جانە ەتەككىر كەلەتىن ۋاقىتتاردا اۋىرسىنۋ بايقالىپ، كوڭىل- كۇيى جوعالادى، الايدا تاماققا تابەتى تارتىپ تۇرادى.

جىنىستىق قاتىناس كەزىندە ايەل جاتىرىنا ماسساج جاسالىپ، سول ارقىلى ونىڭ دەنساۋلىعى مەن جۇيكە- جۇيەسى قالپىندا بولادى.

ۇزاق ۋاقىت قاتىناستا بولماعان ايەلدەردىڭ جاتىرىنان قان كەتىپ، ارتىق سالماق قوسىپ جاتادى.