قازاقستاندا لوتەرەيا جەڭىمپازى بەلگىلى تۇلعالارمەن كەشكى اس ىشەدى
ونىڭ جەڭىمپازى ەلىمىزگە بەلگىلى تۇلعالارمەن كەشكى اس ىشە الادى.
«ەلىمىزگە تانىمال تۇلعالاردىڭ قاتىسۋىمەن «Bolashak lunch» قايىرىمدىلىق لوتەرەياسى جوسپارلانعان. لوتەرەياعا قاتىسۋشىلار كىممەن اس ىشكىسى كەلەتىنىن تاڭداپ، عالامتورداعى ارنايى پاراقشادان بيلەتتەر ساتىپ الا الادى. كەزدەيسوق ساندار گەنەراتورى جەڭىمپازدى تاڭدايدى. قايىرىمدىلىق شاراسىندا تۇسكەن بارلىق قاراجات ءبىلىم بەرۋ باعدارلامالارىن قولداۋعا باعىتتالادى»، - دەلىنگەن قاۋىمداستىق تاراتقان حابارلامادا.
جالپى، «25 يگى ءىس» جوباسى سەگىز باعىتتى قامتيدى. وسىلايشا، جاستار كاسىپكەرلىگىن قولداۋ باعىتى بويىنشا الماتىدا «Bolashak Business» بيزنەس- فورۋمى مەن «Startup «Bolashak» ستارتاپ- جوبالار بايقاۋىن وتكىزۋ جوسپارلانعان.
قوعامدىق بىرلەستىكتەردى، الەۋمەتتىك قورعالماعان تۇرعىنداردى قولداۋعا نازار اۋدارادى. تەگىن كەڭەس بەرىپ، وقىتىپ، قۇقىقتىق جانە تەحنيكالىق كومەك (ۆەب- سايتتاردى قۇرۋ) كورسەتەدى.
